منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيده ترحيبيه تشرفت بألقائها في حفل ابناء الشيخ ماضي المهرفل المديري(رحمه الله)
الا يالله وفقني ليا من جيت فالميعاد=ليا من جيت امثل للرجال اللي تحفوابي
وانا في واجب الغلباء ليا حمي الوطيس زناد=وانا عز الرجال اللي على الشده تهقوابي
بسم لاد المديري لابتي كسابة الأمجاد=وقفة الوقفه اللي فوق هام السحب ترقابي
على طيب وكرامه مرحبا ترحيبتن تزداد=لها تفتح مغاليق الصدور وتفتح ابوابي
تسابقها الدلال اللي على اهل الطايله تنقاد=وتقفاها صنايا بالشحم للضيف تنجابي
عوايد من عوايد لابتي من ماضي الأجداد=نبينها على وجه النقا لأصحاب واجنابي
عوايد من على مر الزمان امثبته بأوتاد=تشوش من اجلها روس الرجال وتفتل أشنابي
تجمعنا على عز ومحبه بأول الأعياد=نبارك للرجال اللي سعو في بذل الأسبابي
تراحيب الوفا منا لكم يالحاضرين تعاد=تراحيبن تزايد مالها محصي وحسابي
عدد برق السحاب وماطره لازمجر الرعاد=نسوق اغلا تراحيب الوفا بأجناب واصحابي
عسا ليلن جمع لأهل الوفا والمقدره ينعاد=ويبقى للفرح وجهن مع الأيام ماغابي
وصلى الله على اللي حذر الأمه من الأحقاد=على اللي عزه الله بالرساله واطهر اكتابي
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
غير متصل
