محاوره بين علمين من اعلام المحاوره البارزين
بين الشاعر / صياف الحربي و الشاعر / رشيد الزلامي
يا سلامي ها السلام اللي خفيف ٍ دمّه =معه جنسية ويبغى له جواز سعودي
مشكلة صياف صارت بين ابوه وعمّه = والسبب ناس ٍ تدق الملـح والبــارودي
مرحبا بالشاعر اللي ما قدرت آذمّه = الليالي ما تغيّر والزمان ايعـــــــودي
الزلامي معه علم وكل شي ايهمّه =مير لو يزعل تغيّره الليال الســـــودي
كيف تدلي بالشهادة يا كبير الذمّه = وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه = والعرب فالصيف تعرف عدها المارودي
العلوم اللي تحط الناس راس القمّه = حبلها من يمكم يا صاحبي معقودي
ثوبك اللي ما ينوش الأرض غير ابكمّه = نزله للجمرة اللي فوق راس العودي
ودي اكشف غلطتك للعالم الملتمّه = أنت حربياً تطالبني بورث اجدودي
يا محبين العقال ومنكرين العمّه =خصمكم في الآخرة عبد الله المسعودي
أنتم رجال الشرف وعظامكم منسمّه = أعبروا ذاك الطريق وحملكم مشدودي
أنت ما تدري عن البارود لين اتشمّه = مير لا ترمي بها فالوادي المسدودي
لوّ يا صياف علمي تمسكه وتضمّه = تاجده مثل العسل وألا حليب القودي
أنت تحسب جدنا داب يموت بسمّه = مير أنا باذل لنصره طاقتي وجهودي
يقطع الله ديرة اللي ما يعرف الجمّه = والتجارة يالعتيبي بابها محدودي
قبرك اللي في تهامه بالتراب اندمّه =تحفره بالليل الأظلم والعباد رقودي