منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
أيها الأخوه هاضني المطر الليله على مدينة الرياض وذكر المطر في جميع أنحاء المملكه فكتبت هذه الكيبورديه العاجله أرجو أن تحوز على إعجاب الجميع.
سبحان واليك يابراق ذالليله=في مقدم الوسم ضوحه يرهش إرهاشي
جعله على رنيه الفيحاء مخاييله=سيله تحت بارقه جراح قشاشي
ياخذ سبوعين ماتفصل هماليله=نوب ٍ يركب ونوب ٍ وبله إرشاشي
والوادي تضيق حدانه على سيله=ويفجر مع ادروبه الي بنيت اعشاشي
تشوف بلسان سيله ميت انخيله=ويسكر اخطوط رنيه مابها ماشي
ويضرب على سيل بيشه في مداهيله=ويفيض مع عبلة ٍ حزمان ورقاشي
من قبل يمضي شهر كثرت محاصيله =وسط المهامل تطرى شبعة الحاشي
من الحوياء الى تثليث ينحي له=تزوف فيه العشوب وتصبح افراشي
واشمل به اليا العلم ماطره تشفي له=علىشمال العروق وينعش انعاشي
وكل ٍ يقرب على ضوه معاميله =في مجلس ٍ ماهرج به حاسدٍ واشي
هذي طراة العمر هذي تعاليله=لاضاق صدر الكريم وفكره انداشي
انا لاحضرت احضر حضورٍ يجي له صيت=ولاهوب انا الي من حضر مادرى عنـي
اصخر بيوت الشعر تصخير بيـتٍ بيـت=وبنـات فكـري للصعيـبـات يـردنـي
ولاقد خبرت اني عن الموجبـه صديـت=ولاسقت رجلي صوب من يخلف الضنـي
أخي الكريم الشاعر / أبو مترك السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هالقصيدة الكيبوردية الرائعة والحكمة ضالة المؤمن أينما وجدها فهو أولى بها والشعر الشعور هو الذي يحرك المشاعر ويهز الوجدان ويجعل الشاعر والسامع يتهيض وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
