الكســــــــر

[فاهم النظرة]

ا عزائي اعضاء ومتصفحي منتدانا العزيز اضع بين ايديكم هذه القصيدة
آمل ان تحوز على رضاكم

الهجوس اللي بصدري توصلها الثرى
من كثر ماتحفر الصدر عجة ثايرة


والهجوس تمر لكن بعضها لاطرى
والله انها في الصدر من الحمول الجايرة


مرتن تحدني لين اطلعها كرى
ومرتن تقول مهلك مالدنيا بطايرة


وان سألت وقلت ياهية والاهل ترى
بين ذيك وذيك ترجع الاجابة حايرة


راكب اللي كن صوته ليا منه سرى
يشبه لصوت المراوح جناح الطايرة


رنج روفر جيب مايقتنيه الا مورى
او ثرين لاخسر ماحسب خسايرة


سايقه ياسايقه عب بترول احمرى
ثم شيك لي على زيته وتوايرة


باصل اللي منه اعاني وهوه مادرى
لي ثلاث سنين وانا مغير اسايرة


كاسرن له في كسرن بيبطي مابرى
لين يمسح ابيدينه على جبايرة



الشاعر/مفرح سيف الملحي السبيعي (فاهم النظرة)

[راعي المقناص]

قصيدة رائعه

[ابن جمل]

صح لسانك وبيض الله وجهك وصدر البيت الثاني اضن فيه خطا املائي

والهجوس تمر لكن بعضها لاطرى

وكذلك عجز البيت الاخير
لين يمسح ابيدينه على جبايرة



على العموم تسلم شاعر التمنى اقراء له اكثر من قصيده

[فاهم النظرة]

المشاركة الأصلية كتبت بواسطة راعي المقناص

قصيدة رائعه

تشرفت بمرورك الراقي يا راعي المقناص

[فاهم النظرة]

المشاركة الأصلية كتبت بواسطة ابن جمل

صح لسانك وبيض الله وجهك وصدر البيت الثاني اضن فيه خطا املائي

والهجوس تمر لكن بعضها لاطرى

وكذلك عجز البيت الاخير
لين يمسح ابيدينه على جبايرة



على العموم تسلم شاعر التمنى اقراء له اكثر من قصيده

تشرفت بمرورك يا بن جمل وملاحظاتك في محلها ولكن النطق يختلف عن الكتابه تحياتي لك