من عين مروض ونعطيه نصفه

[المسالم]

مالقينا لامروض ولاجاله خليفه=ياهل الميقاف مني لكم جزل السلامي
كل ماجينا بنلعب طواريقٍ طريفه=مالقينا مروضٍ ضاع في ليل الظلامي

[نديم القوافي]

الله الله

يالمسالم طاروق طيب


وشاعر الطيب

وين الصفوف


تحياتي

[smart]

يااااااسلااااااااااام سلم على المسااالم


لاهنت لاهنت لاهنت


الصفوووف جاااهزه اخي نديم


لكن عسى الله يعقل مروووض:105317569

والله له وقت مااله طله:play_ball


يرجع لناا بالسلاااااااامه وجميع الغااائبين


تحيتي

[المسالم]

الأخ نديم

هذا من طيبك

ما عليك زود يالغالي

الف شكر يالغالي

[المسالم]

الأخ smart

ومن قال لا هان يالغالي

الله الله فالصفوف انتبه لها زين لا يقلووووووون عن سته ;)


تحياتي

[مشعاب]

يالمسالم ما ملكت البحر تعطي نصيفه = ليتك تعدل بيوتك وتسلم من كلامي
ودنا نربطك بالحبل في وسط السقيفه= لجل تركد في معانيك وتفك الزحامي

[المسالم]

خلك ابمركاك ياصاحبي وسط الغريفه= من تغيب مالمواجيب يلبس له زمامي
ذا تمني والتمني مهو ياتي بكيفه=ارفع الأنظار واتشوف لك نوي غمامي

[مشعاب]

ما تضيق الا على الخبل والساحه كليفه = دحرج الكوره وتلقى لها عشرين سامي
كان لك رغبة تبي اللعب والرايه شريفه = شد حيلك لا توانا ولا تاطا الحرامي

[المسالم]

مالنا فالضيق لازم ولا نمشي بحيفه=العب الكورةوعطنا الثمن كاس أوسامي
من يبي العمره بيحرم لها من ذو الحليفه =ويتوجه يم مكه وللبيت الحرامي

[مشعاب]

حن ترانا ما انتعدي طرف وادي حنيفه = وأنت لك جولات في البحر يا راع السنامي
أنت شاعر مير بعض الدهر تشرب خصيفه = ثم تنزلها على الساق من تحت الحزامي