قصيدة الراتب

[راعي الجوفا]

مانـي متابع للسيـاسة والأخبــار
ولا همـني أوباما ولافوز ماكـــيـن

ولا همني وش قال حسني وبشار
وما همني لو زادوا الهند والصين

وما همني لو سوق الأموال منهار
وماهمني لو كان خسروا ملايـين

ماهمني الا راتبي ذا الشهر طــار
كله صرفته يوم خمسة وعشرين

بعثرت مدخولي على يمين ويسـار
وقعدت وعيالـي نصفّـق بـكفــين

1300 عـلـى طـــول فــ إيــجــــار
و400 مصروف جوال في زين

و 1150 في شــركـــة إعـــمــار
قرض ٍ أخذته وشفطـوه الشياطين

و1100 تجديد وأتعـاب سـمــسار
عندي استمارة مطوفة حول عامين

و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن

وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن

لا شـمـة الراتـب يجـيها كـما الزار
تنـفض مكيـنتها كما نـفض بوكليـــن

وام العيال تـصـيح يا زوجي البار
هذا الشهر عندي في القصر عرسين

احتاج انا فستان من عشرة امتـار
وأفصـله يا فـالح الـراي بـألفــــيـــن

وأخر مئة بتروح في جيب كومار
الحارس الهندي عسى فـاله الشـيـن

ويقـول ما تـكفـيـه للفـلفـل الحــار
زعلان يبغى فوقها زود خـمســـيــن

وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن

أزمة مسـويها مــداهن وتــجـــــار
وراحوا ضحيتها الضعوف المساكين

منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن

وإن الجمل صابر على الضيم صبّار
وان طاح تكثر في جنوبه سكاكـين

أبديت ما في الصدر من هم واسرار
بأقولها واخلي الخافي يــبـيــــن

يا شيوخنا لا لا تغضون الأبصار
صار المواطن يشكي العسر والدين

وانتم به ادرى ياطويلين الأعمار
بالله عليكم شوفوا الوضع بالعين

[نبع الوفاء]

ههههههههههههههههههههههههههه
احتاج انا فستان من عشرة امتـار
وأفصـله يا فـالح الـراي بـألفــــيـــن

والله لو أن زوجته بقره وينا عايشين عشر امتار

راعي الجوفاء مشكوووور على القصيده الرائعه ولاهنت

[ابن هميجان]

صح لسانك وقصيده معبره وصادق في الراتب ولا هنت

[خيَّال الغلباء]

راعي الجوفا جزاك الله خيراً ولا هنت

[ابن جروه]

صح لسانك جميله بسيطه هادفه

[راشد التوم]

قصيده معبره عن الحال الاقشر

[راعي الجوفا]

مشكورين اخواني الاعزاء جميعا على مروركم وتعليقاتكم الجميلة والله لا يهينكم

[ماجد ابن غنيم]

اللللللللللللله على الابداع
بس وش قصبدة اللي ماعنده راتب (ط)

[ذيب الرويبي]

5150
راعي الجوفا

صح الساااااانك ملااااايين