إهداء إلى ابني فيصل ...

[العقاب الشنيفي]

اهدأ إلى ابني فيصل‏

أوصـيـك يـافـيـصـل بحـق الـمـخا لـيـق *** من بعــد خــــوف الله وأســـاس العبـاده
احفـظ حقــوق النـاس حـفـظ المواثـيـق *** وإياك عـــــرض النــاس جنـب طــراده
وفـي والـديـك الـبـر خـيـر وتـوفــــيـق *** فــي بـرهـم تـلـقـى دروب الســعــــــاده
في بـرهـم تـلقـى الفـرج حـــزة الضيق *** وبالوالديــن الـبـر تـجـنـي حـــصــــــاده
اخفـض جـنـاح الذل رحـمـه وتـرقـيـق *** رفـقـك بـهـم اللــه ذكــــرها عــــبــــاده
وأحفظ لـسـانـك كــان تبـغى التــوافيـق *** لسـانـك حـصـانك مير جـــود قــــيـــاده
وان صــار بالمجلـس وجـيـه مطـافيـق *** الصمـت بالمجلــس وقــار وســــيـــاده
وأوصيـك فـي جارك ترى الجار حقيق *** له غيــر حــق النــاس حـقــــا زيــــاده
غض النظر عـن جـارتك واحذر الويق *** وان شــفت زول يــم بـيـتـه تــفـــــاده
وعـده اخـو مـن دون رجــوا وتـلـفـيـق *** وكرم عــوانـيـه ومــع الضيف نـــــاده
وان جـاك خـطـارٍ تـرى الفـال تسبـيـق *** سـبـق بـفــالـك لاتـحــرى الأفـــــــــاده
كرم ضـيـوفـك والوجيــــه المطاليـــق *** ترى الـكـرم يـابــوك ســاس السـيــــاده
حـط الدلال الـي سـواة الغـــرانــيــــق *** وذبــح السـمـيـنـه خـلـهـا فـيــك عــــاده
وإلا نـصـاك ألـي حـدتــه الطـوافـيــق *** لبـــه وعــطــــــه وقـربــه مـن مـــراده
وأوصـيـك بالخـوه خـويـك فلا يضيق *** لا تــزعــلــه لـو شـفـت مـنــه الـنـكــاده
ادمـــح خـطـاه وزلـتـه دون تبريــــق *** لابـــد مــن يــومٍ ٍيـحـــــــول شــــــــداده
وخـلك حـكـيـم إن سيق بالرأي ماسيق *** الــرأي و الـحــكـمـه تـجي بالــركــــاده
وأوصـيـك لامـنـه يبـس لين الريـــــق *** (رأس الـــشـــداد)الــذل مــافــيـه فـــاده
الـذل مافـــك الـدرج والـخـــرانـــيــق *** وكم من جباناً مـــات فـــوق الوســــاده
أقـــدم إلا صــار التفق بالتــوافـــيـــق *** إقـــــدام حــــرٍ خـــابـريــنٍ هــــــــــداده
وخلــك ذرى لمعـلـقــات المخـــا نيـق *** لاحـــــافـهـن مـنـهـو حـــدتـــه القـــراده


خالد الشنيفي

[راعي النيسان]

صححححححححححح لسانك اخوي الشنيفي

[ماجد الشماسي]

صح لسانك ياخالد الشنيفي
ويعطيك العافيه اخوي العقاب
قصيده جزله وذات معاني قيمه
والوالدين يستحقون اكثر من هذا
والله يوفق قائل القصيده
ويوفق من قيلت فيه القصيده
وتقبل مروري

[العقاب الشنيفي]

صح بدنك ياراعي النيسان ونستنير برايك

[العقاب الشنيفي]

اخوي ماجد الشماسي

يشرفني مرورك وصح بدنك وقائل القصيده هو النشر نفسه(العقاب)

[ابو سعود 99]

الأخ العقاب الشنيفي صح لسانك على هذه القصيدة الجميلة والله يحفظ فيصل ويخليه لك ويصلحه

[العقاب الشنيفي]

اشكرك على مرورك ياابوسعود ولا هنت الله يخلي لنا ولك

[راكان الشنيفي]

صح لسانـــــــــــــــــــــــك والله القصيده جزله وذات معاني قيمه والله يحفظ فيصل لك ويخليه ويصلحه













دمت بود من صافي الود: راكان الشنيفي