عـاهـدتـ نـفـسـي ...... وأول مشاركه لـي

[ابو ريميه]

السلام عليكم ورحمة الله وبركاته

في البـدايه اشكر القائمين على هذا الموقع والمشرف لقبيلة سبيع ونسأل الله ان يوفقكـم جميعاً لما فيه الخـيـر



بدايتـي قصيده للشاعر المبدع/ عبدالرحمن بن بديع الشهراني

انتمنى ان تحوز غلى رضى الجميـع

ياللي على هرجة هل العرْف شفقين=يقول من حسـه زمانـه وراعـه
حنّا لنـا مبـدى سلـوم وقوانيـن=ونصونها صون الوديـع الوداعـه
وسلومنا تبقى على الراس والعين=لو كان نلقى من وراهـا مجاعـه
نقنع ولا نجزع ولو نصبر سنيـن=وانا اشهد ان كنز النفوس القناعه
واتلى زمن صرّنا من الدرب غادين=ميّل علينا الوقـت مِـده وصاعـه
فعقولنا صرنـا نطيـع المجانيـن=وراحت بها الجهال مثل البضاعـه
لنّا نصدق ناس بالكـذب ضاريـن=في سالفة نمـه وكذبـه وإشاعـه
نأخـذ علومـاً ماعليهـا براهيـن=من عالم فيهـا الـردى واللكاعـه
امـا تشرهنـا بنـاس عزيزيـن=والا رضينـا بالخطـأ والقطاعـه
من هرجكم خلف الرجال المسمّيـن=ترفعوا يأهـل الـردى والدناعـه
يأما هتكتوا عرض ناس عفيفيـن=وكم مسلم مقفي شذبتـوا كراعـه
توقّضون النـار مثـل الشياطيـن=وهذي جريمه وانحراف وبشاعـه
فياناصر الإسلام في بـدر وحنيـن=تجعل لمن يخشاك منهـم مناعـه
هذا وانا عاهـدت نفسـي بثنتيـن=الصف الاول في صـلاة الجماعـه
والصبر لامالت علـي الموازيـن=والحمد للَه لـي عليـه استطاعـه
والرجل يعرف مجلسه فالدواويـن=ويعـز نفسـه والمعـزه رفاعـه
روس العوالـي ماكـراً للشياهيـن=والا المغـاره مزبنـاً للضبـاعـه
ولا ينطح وجيه الرجال المعاديـن=الا ذكـاء محتـال والا شجـاعـه
هذي نجاة الرجل فالماقف الشيـن=لاصار كـل نجدتـه مـن ذراعـه

وسلامتــكمـ جـمـيعــاً

[شحيفان بن ملفي]

صح لسانك ياشاعرها

ولك مني تحيه

[منصور الحري]

صح لسان الشاعر

ولا هنت على المشاركة

وياهلا