موضوع نعاني منه

[المنجنيق]

بسم الله الرحمن الرحيم

هذه قصيده في موضوع نعاني منه كثيرا وهو الارتجال في المجالس بموضوع لايبت للمناسبه المجتمع من اجلها باي صله ومن امثلة مااسلفت شخص يدعي الشعر يذكره في جميع المناسبات وبالصدفه ذهبت لتعزية أحد الاقارب ووجدت ذالك الرجل يلقي مالديه من شعر في مجلس عزاء الترحم للميت والدعاء له اولا من الشعر وقمت بكتابت عدت أبيات بذلك الموضوع
ولكم تحياتي

يلي تصف الهرج وتقفي أتلاه
أرجوك ريحنا وخل القصايد
أزعجت خلق الله على غير مشهاه
تعد شعرك مير مابه جوايد
في كل مجلس دايم الدوم تقراه
لوكن سماعه به الحزن زايد
أرفق على نفسك وشعرك كرهناه
شعر رعات الشاه مامنه فايد
لايخاطب عقول العباد المصفاه
ولاينذكرلاجات وقت الشدايد
هروج عودن جالسن فوق مركاه
في عشته ماعنده الا الوسايد
همه يكيف يراضي العود لاجاه
من شان شوف الي تحط القلايد
الشعر ياعود الجماعه عرفناه
لوكان من قاله بوصط اللحايد
هذاك تركي نعم لحل طرياه
تشهدله شيوخ العرب والبدايد
بعده ابن جدلان محدن تحداه
يجيب من فكره بيوتن فرايد
وبعده ابن وسام لامن سمعناه
عيدن لون منابيوم المعايد
أختاره الفيصل يحكم لمعناه
لنه على ماقيل عنصر محايد
ماهمه من العالم اقصاه وادناه
الاسماع النادرات الجدايد
أنا من هوات الشعر مير عفناه
تعرضوه أهل الحكي والنقايد
وأخير من سرد البيوت المقفاه
صلوا عليه اعداد خوص الجرايد

وســـــــــــــــــلامتكــــــــــــــــم

[المتذوق]

بسم الله الرحمن الرحيم
لاهنت على الاطراء الحسن

[خالد الشماسي]

صح لسانك

بالفعل تكرار القصيدة في اكثر من مجلس يؤذي الذائقة الشعرية

الا بطلب من المستمعين والحاح

تحياتي لك وصح لسانك

[ابو مقرن]

ابيات جميله جدا وفي موضع واقع في هذا الوقت
وصح السانك

[سلطآن المفالحه]

يعطيك العافيه اخي على هالموضوع
تحياتي

[فهيد الغربي]

صح لسانك والله يعطيك العافية

[النادر]

صح لسانك وبيض الله وجهك
صدقت والله نعاني من هالموضوع
أنا أذكر مره في عزا فيه ناس يتكلمون في زواج المسيار وحنا قاعدين نهدي أهل
الميت وهم ما همهم شي