قصيدة توجد في الماضي للشاعر الكبير/مسلط عبدالله الجهمي السبيعي

الشاعر شافي · غير متصل


	سقى الله لابرق بـرق الربيـع وســالت الوديــان = وشفنــا بــاذره مثـل الــزوال الخضـر منشـــوره متى عيني تشوف النبت مثل الـزرع فالبستــان = ومتى عيني تشوف الأرض عقب الوقت معموره يازين المشي فالنبت الخضر لازافت الريضان = يفوح بـها الشمطري والفيـاض الخضر ممطـوره اليـا قامـت تسـاقيه العشــايا بامـرت الرحمــان = تفــوقلــه القــلـوب اللــي بحــب البـر مسحــوره اليا جاء غب وليه قـام يقبس زاهــر الحــوذان = ليا ساقــه نسيــم الصبـح قامــت تلعـب اطيــوره اليا كمل شهر وأسبـوع قالــو شبعــت الذيـدان = وشفناهـــا ترايــع فيــــه والحيـران مقهــــوره ترا هذا ربيع القلب ودواء علــت المرضــان = مزاجي شوفت البل في نبات العشب مسروره اليا شفنا بيوت البدو وسـطه كنـــها الحيطــان = ترى هاذي طرات البــر وبيـوت الشــعر نوره واليا صلو صلاة العصــر ثم التمــو الجيران = وتلافو في محــل الطيــب اللي يـنـوخذ شــوره يدور البن الاشقر والهروج اللي تدور اسمان = ومجالسهم من اهل الكذب واهل الزورماجوره مجــالس طيبــينن يبعدون الــهم والاحـــزان = يسج بهــا الغــريب اللـي زمانه شايلن جــوره سقى الله ثم سقى الله يوم نذكر ماضي الازمان = يومن البـيت فـي بـرن تحـوفـه كـل غــندوره اليا زل الربيع وحان وقت الصيف والمقطان = تـــلافو فــوق عــدن قطـنته بالخير مـذكـوره على عدن صهاليجه قراحن تبهج الضميان = وخذو تسعين ليله فوق جال العد والـنشـوره وقالو ياهل البل صدرو وخذولــكم صـمـلان = ترا معــادبه خبرن مع الريضان مـــنثوره وتمادو صوب مضمن ماينوشونه هل الغنمان = مكانن مايجيه الا الادامــي زينت الصـوره وزل القيــض وسهيل اليماني يذكورنه بـــان = وراع الصيد في روس المبادي مد ناضوره وجنه سارحاتن قايــدتهن قايد الغـــــزلان = وشــاف الصيد صياده وقام يراوز نحوره معه مسلوبتن لاعاودن خذها على الذرعان = ماهيب الشوزل اللي بطنها ماغير ماصوره ولقفهن مثل ابويه لاقفن علقــهن الاكـــوان = وطاح التيس والثاني وشاف العنز مكسوره وياليت اللي مضى يرجع والو نشريه بالاثمان = خساره يوم اسولفلي بشين راحت اعصوره اعطــرها وختمها بـذكر الـلـه عظـيم الشـان = عساه يضلني ضله نهــار الخلق مـحشـوره

سفير الجهوم · غير متصل

بيض الله وجه شاعر قبيلة الجهوم على هذه القصيده الرائعة ولاهي غريبة على ابوعبدالله

المعلا · غير متصل

مشكووور

ولاتحرمنا من جديدك

تقبل مروري...:11ight:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة للشاعر مسلط بن عبدالله الجهمي السبيعي في ناقته	أبـــو ســعــود	منتدى الشعر الشعبي والنبطي ( شعراء الشبكة )	4	27 - 02 - 2010 21:44
قصيدة للشاعر مسلط بن عبدالله الجهمي السبيعي يمدح قبيلة السوده من سبيع	شافي مسلط	منتدى الشعر الشعبي والنبطي ( شعراء الشبكة )	2	22 - 02 - 2010 14:46
قصيدة الحكمة للشاعر مسلط بن عبدالله الجهمي السبيعي	أبـــو ســعــود	منتدى الشعر الشعبي والنبطي ( شعراء الشبكة )	1	20 - 02 - 2010 20:50
قصيدة للشاعر مسلط بن عبدالله الجهمي السبيعي	أبـــو ســعــود	منتدى الشعر الشعبي والنبطي ( شعراء الشبكة )	1	19 - 02 - 2010 23:08

الذين يشاهدون محتوى الموضوع الآن : 1 ( الأعضاء 0 والزوار 1)

قصيدة توجد في الماضي للشاعر الكبير/مسلط عبدالله الجهمي السبيعي

قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات