منتدى الخواطر والحكم والالغـــازخواطر وحكم وألغاز أبداعات بالشعر والنثر و كتابة القصة وألغاز جديدة هنا تجد الإبداع الأدبي الخاص بأعضاء شبكة سبيع الغلباء
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة
إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : فكما تعلمون أن بعض الأمثال هي جزء من أبيات شعرية قيلت وأصبحت شائعة لدى الجميع وفي هذا الموضوع سأكتب لكم عدة أبيـــات أصبحت أمثال وهو موضوع متجدد :-
يقول / عبدالله بن رشيد :-
ما يستشك يا حسين كود الرديين
= وإلا ترى الطيب وسيع بطانه
ويقول / محمد السديري :-
لعل قصر ما يجي له ظلالي
= ينهد من عالي مبانيه للساس
ويقول / سجوان الرويس :-
يمنا بلا يسرى تراهـا ضعيفـه
= ورجل بلا ربع على الغبن صبار
ويقول / خضير الصعيليك :-
الله يعدلها عن الضلع والميل
= ولا يميلها على الناس مره
ويقول / عبيد بن رشيد :-
اضرب على الكايد إلى صرت بحلان
= وعند الولي وصل الرشا وانقطاعـه
ويقول / عبدالله بن لويحان :-
الحنضله لو هي على شاطي النيل
= زادت مرارتها القديمـة مـراره
ويقول / ابن ضلعان التميمي :-
خوينا ما نصلبـه بالمصاليـب
= ولا يشتكي منا دروب العزاري
ويقول / عبيد بن رشيد :-
خوينا لو هو من الجد بصليب
= متعلق منا بـراس السنامـي
ويقول / مريبد العـدواني :-
النوم رأس اللوم بان الردى بـه
= واللي يبي الطولات نومه شلافيح
ويقول / شـالح بن هدلان :-
من حل دار الناس حلّوا دياره
= لا بد ما تسكن ديـاره ويغبـن
ويقول / محمد السـديري :-
ليا خاب ظنك بالرفيق الموالي
= ما لك مشاريهٍ على نايد الناس
ويقول / راكان بن حثلين :-
ما قل ودل وزبدة الهرج نيشـان
= والهرج يكفي صامله عن كثيره
ويقول / حميدان الشويعر :-
النعمه خمر جيـاش
= مايعطاها كود وثقـه
والجوع خديديم أجواد
= ودك ياطا كل زنقـه
ويقول الأمير / محمد بن سعود ( غزالان ) :-
الزين ما يدقم شباة السنانـي
= والشين ما يقصر يدين يطولن
إلى اجتمع زينٍ وفعل اليماني
= لذة نعيمٍ فالعمـر لا توافـن
ويقول / مفضي الشمري :-
الطيب لو هو من أبعد الناس ينفعك
= يصير لك عنـد اللـوازم سنـادي
وإلا الردي لو هو من الأدنين يقطعك
= يعـل وجهـه للفنـى والسـوادي
ويقول / طلال الرشيد :-
لو حسب للسوس زراع القصب
= ما زرعنا يا العصافير الشعيـر
ويقول / مشعان بن هذال :-
ترا لذه الدنيا معاميل وفـراش
= وصنية يركض بها العبد مسعود
ويقول / بركات الشريف :-
رافق أصيل فى زمانك يشاكيـك
= لا شاف خملاتك عن الناس غطاك
ويقول / راكان بن حثلين :-
يا ما حلا الفنجال مع سيحة البال
= في مجلس ما فيـه نفـس ثقيلـه
ويقول / بركات الشريف :-
مخطاك ما أصابك ولو كان ناصيك
= واللي مصيبك لو تتقيت ما أخطاك
ويقول / خضير الصعليك :-
أحد عشاه البر ومفطح الحيل
= واحدٍ عصيده يلعط الكبد حره
ويقول / عبيد بن رشيد :-
ربعي لقوبي عقب شيبي عذاريب
= قالوا على ساقة خويـه يحامـي
قلت إن هذا من قديم بنـا عيـب
= مستارثينه من خـوال وعمامـي
ويقول / الجربا :-
الحر لا صكت عليه المغاليب
= مجبور عن دار المذله ينزي
ويقول / مقحم النجدي الصقري :-
أحدن على جاره بختري ونوار
= وأحدن على جاره صفاة محيفه
إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب