أهلي سبيع

[السبع 501]

الله على من شفتهم حزت عصير
اللطـف حضـرٍ والوصوف بدويّـه

واللي ذبحي جاهل العرف وصغير
يـوم ابـتـسم والـلـي تـكـلم خـويّـه

قالـت سلام وقلت حـي الغـناديـر
قـالـت سـوال وقـلـت رده علـيّـه

قالت ديارك قلت ديرة هل الخير
داري قـطر والظـن ماهـي خـفـيّه

قالت قبائل قـلت من دون تأخـير
أهـلي سبـيـع وشاهـدي بالهـويّـه

قالت هلا والـفين حشمة وتـقـدير
طـال المجـال وللـسوالـف بـقـيّـة

واللي محيّرني وابي منك تفسيـر
عـنـد الله أجـروبالنشامى حـميّـه

هوالهوى يترك على العقـل تأثـير
وبسـلومكـم مسمـوح وإلا خـطيّـه

قلت الله الله ما مع الـقصد تبـرير
ياعيد جيت وهـاك روح الَضحيّـة

القـلـب سلمتـه هـديـه وتـعـبـيـر
وارجوعسى تبقى العلاقـة قويـّه

مجنون مايسمع نصائح وتحذير
مجـبـور ياعـزاه راع الـوصيّـه

قالت عوائد عندالاجواد وتصير
تـهــدي وحـنـا مـا نـرد الهـديّـه

وأقفوا وهي تـقـول حكم المقادير
يـمكـن ثـقـة معـقـول يمكـن ذكـيّه

وانا سـكت بخاطري حاجـة غيـر
وش جاب تـلك لذاك وتكون هـيّه

وشلون مدري بس هاجس وتفكير
وجـه الـشـْبه بيـن الصغير وسميّه

ــــــ منقول ــــــــ السبع501 ــــــ

[ناصر المديري]

لاهنت يا السبع وقصيدة أكثر من رائعه حتى اني قرأتها أكثر من مرة

لكن اي أعرف منو شاعرها؟؟؟؟؟؟؟؟؟؟؟؟

[السبع 501]

السبيعي 123 من قال يسلم يابن العم تقبل تحياتي

ع المرور وبخصوص لمن القصيدة هذا خله بالوقت

المناسب واهم شي ان تكون اعجبت الجميع وهذاهو

الهدف الاول والاخير لكي نساهم كلنا في رفع اسم

منتدى القبيلة والذي يعتبر واجب ع كل من ينتمي لها

[أبو يزيد]

السبـــــــــع501

صح لسانك ....سواااا كانت هذه الجوهره لك ام لا.

ابيــــــــات كتبت بمــــاء الذهب.........

[السبع 501]

اخي ابو يزيد الف شكر على الاطراء والاعجاب

وشهادة نعتز فيها بكل تاكيد اما آنها لي أم لا هذا

نجله الى وقت أخر وعالعموم مابه فرق تقبل تحياتي