هذه قصيدة مهداة من الشاعر شجاع بن محمد الشماسي
الى سعادة العقيد عبدالله بن حسين السبيعي
لما رأى الشاعر من العقيد عبدالله المواقف المشرفة والكرم الجزيل
فهاضت قريحته بهذه النادرة
هيه ياللي مركبه يشفي القلب الحزين = منوة اللي ضايق صدره وهمه براه
صمموه اللي بشف العرب هم عارفين = موتر اللي شح في بيعته منهو قناه
موتر لا من مشى مشية الشيخ الرزين= وان وقف وقفة زعيم جموعه من وراه
ما يجيلك بالمناوي ومدات اليدين = كود من ربي موسع له الرزق وعطاه
وردوه اهل الوكاله بسعر له ثمين = فكس ار اخر موديلٍ وغالي مشتراه
نصه القايد وعطه التحية باليمين = سيد ساد وتسيد وسايد مستواه
محزمي وحزام ربعي العقيد ابو حسين= تاج راسي عزوتي والتذرى من ذراه
يوم ضاقت طلبت الرزق جينا وافدين = نطلب الله نرتجي باب رزق من سماه
ارتكا للحمل صامد وقاسي ما يلين = وقفة تذكر ويشكر وقوفه من نصاه
بين كل الناس ذكره بطيبه شايعين= من معاريفه عليهم ومعروفه نساه
ماسك ازمام المراجل وبالله مستعين = ما يجي فالمشتبه لا ولا يتبع هواه
الكرم والجود والجاه حق له يقين = محتسي للي عناله من البعد ولفاه
عزوة من لابة يكسرون المعتدين = روس قوم محتمينٍ حماهم من عداه
خبره عن حالة اللي قضا ليله ونين = كن نيران اللهايب توقد في حشاه
تذرف دموعه ويبكي غلاها كل حين = ديرة تبقى ويبقى غلاها ما جفاه
رنيه اللي حبها ما يوازن له وزين = ديرتي واحب اهلها وماها والنفاه
وخبره عن والدي كم مضاله من سنين = اربعينٍ فوق عشرين عام اللي قضاه
شايبٍ مزري ولا هوب يلقى له عوين = عنته بقعاء وجور الزمان اللي حداه
خلفه امي من وفاها تعبها ما يبين = لو تسوي له غداء ما تسوي له عشاه
اشتكي لله وأبدعي على الدعوى يعين = وانتخي باللي فعوله تنومس من نخاه
والختم صلوا على الهادي ختم المرسلين = النبي المهتدي خصه الله واصطفاه
الشاعر : شجاع محمد الشماسي
غير متصل
