الكفو عثرة السانه تقلل من غلاه = والردي يخطي ويبطي لا منه ولا عليه
كُتب : [ 24 - 08 - 2005 ]
من نشا عوده على المعصيه عاقة صباه = وشبع جوع وثقل حمله وكلة منكبيه
ولا تجي غايتك مثل السبيل لمن بغاه = اتحذف ثوبك على النار وتقول احتميه
ولا تخاوي من تغلبه على العرف العياه = ترى الأحمق ما يدلك على الشور الوجيه
ولا تجالس من يذم المقفي في قفاه = حتى لو ان كل عذروب قاله فيه فيه
ودلو خلان الرخا لا تجود في رشاه = من كلته النار منهم توقى والديه
ولا يذلل ضيف مجلسك لو يرفع عصاه = ولا تردى في نسيبك ولا ترخص ذويه
وحتى سابع جار لو جار لا تسهج حماه = عقب اللي ما ينومس قصيره ويحميه
واحتمل زلة رفيقك ولا تبحث خفاه = سية تدفع بحسنه وذخرن تقتنيه
زبدة الموضوع من مبتداه المنتهاه = من أول بيت القصيده إلى آخر ما يليه
الكفو عثرة السانه تقلل من غلاه = والردي يخطي ويبطي لا منه ولا عليه
والثقه كنزن ركونه تنومس من بناه = والحكي لو نزه الدنس ما دنس نزيه
وسلامتكم ، واعذروني إذا كنت نسيت شيء من الأبيات أو فيها خطأ مطبعي
رد: الكفو عثرة السانه تقلل من غلاه = والردي يخطي ويبطي لا منه ولا عليه
كُتب : [ 20 - 04 - 2009 ]
صح لسان الشاعر
الله لا يهينك على النقل الرائع
السنين القشر تخلف هقاوي من هقا...
والدهر مركز تجارب وميدان فسيح
وش بقا ماعلمتنا الليالي وش بقا...
كل يوم درس باسلوب ولسان فصيح
ياهل المعروف كل شقا باللي لقا...
والحظيظ اللي من الهم قلبه مستريح
بين لحظات المفارق ولحظات القا...
تتضح لك صورة الود بالمعنى الصريح
زبدة الخافي تبين ليا خض السقا...
والصدور اللي بها شر يفضحها الكحيح