ولانصا الا الرجال مجودين الحزام

[المسالم]

ياسلامي سلامٍ فيه من كل طيب=يعتلي قمة الأمجاد يحمل وسام
يتجه للبعيد ويتجه للقريب=ولانصا الا الرجال مجودين الحزام

[حمود الحقي]

مرحبا وابد فالمــــــرقاب والله رقيب *** مرحبا يالمســــالم بعد قلت الســـــلام

خط معـــــــناك والايام حض ونصيـب *** واخذ قسمك من الماجوب فرخ السنام

[المسالم]

والبقايالمرحب ياعطيب الضريب=عد من سار بالمسعى وباب السلام
بادي فالنبا والد يم القليب=كاثرات وروده والنوامي حيام

[حمود الحقي]

يالمسالم ليا حان الوعد لا تغيب *** حان يوم التلاقي مير شد الحزام

كيف تارد قليبٍ فيه يالذيب ذيب *** اذبح الذيب واشرب ويعداك الملام

[المسالم]

احضر ماتغيب وسط قبس وحطيب=ولايجنب عن الميقاف كود الهلام
وارد عدذيب وخصم لي يستجيب=واتعشى الذيابه قبل مبدى الكلام

[حمود الحقي]

كان هاذي علومك حظـــنا مايخيب *** مير اخافك تهـــون ياصليب العضــام

السوالف كثـــيره والمنادي يجيب *** وان بغيت الصحيح الطق فك اللحام

[المسالم]

هذي اعلومنا والخصم خصم طليب=لوله دحدرت يارب تجلى العسام
ضنتي يالربع ذالليل خصمي عطيب=اعتكف فالحرم ثم صل خلف المقام

[حمود الحقي]

معـــــك لايـدخلك فالعلم شــــكه وريب *** مير ودي تبعــــد قبـــرها ياغــــــــلام

خصمك اليوم من طاريه راسك يشيب *** وان بلش فيك مايعرف صلاه وصيام

[المسالم]

كل عله لها ياشيخ طب وطبيب=والسعد في عيونٍ تهتني بالمنام
ماعلينا مدام الخصم طيب لبيب=ومن يسوي سواتك مغتذي مالحلام

[حمود الحقي]

انــت خلك بنيـه وانتــبه يالحـــبيب *** للمـــخاوز خــزام وللمــفوه لـــجـام

خصمكم طب للطيب وسقم الحريب *** اثــرنـا فيك يمســالم خــذينا الاثـام