منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قالو تغيب وقلت خلوني اغيب=اغيب واحفظ قيمتي في غيابي
اشمخ شموخ الذيب لو ماني ابذيب=ديني سلاحي والمروه زهابي
فرقاي للي يشعلون المشاهيب=في منهج اهل العرف عين الصوابي
خذيت من وقتي دروس وتجاريب=واصبحت اميز كيف اورد جوابي
وادركت بإن البحث عن قمة الطيب=ماهوب يلزم له سيوف وجنابي
يحتاج صبر ايهذب النفس تهذيب=وافعال يرجا من وراها ثوابي
يسهل على اللي يعرفون المواجيب=اللي علو بالجود حد السحابي
اللي لهم بأرض الفقارا مناديب=يرجون عفو الله بيوم الحسابي
اهل الوفا والعدل واهل التراحيب=و اهل التسامح معتقين الرقابي
اليا عطو مايحسبون المكاسيب=وليا عفو ما يمنون المخابي
وانا بشر واخطي مع الوقت واصيب=و الله يوفقني لقول الصوابي
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
أخي الكريم الشاعر الفاضل / عايض أبو شيبة بعد السلام إطلالة جميلة بقصيدة معبرة بعد غيبة فصح لسانك وسلم نبضك وبنانك وإعتلا شانك وجزاك الله خيراً ولا هنت واسلم وسلم والسلام .
غير متصل
