الشاعر المخضرم رشيد الزلامي الكثير يعرف ابداعه
في شعر القلطه او المحاورة ولكن قد يجهل البعض ابداعه في شعر النظم الذي لايقل ابداعه
فيه عن شعر المحاورة ولكنه مقل فيه ،، فلنعش مع ابو جميل ونستمتع برائعته
يامتعب الأقدام رايح علـى ويـن=مع جرة(ن) جاها العجـاج ودفنهـا
ارجع وعد اخطاك وحده وثنتيـن=وردع جماح النفس وامسك رسنها
ولاتسبر الدنيا ترا وضعها شيـن=ماعاد ابه دنيـا(ن) صحيـح(ن) بدنهـا
ليا صاروا العقال مثل المجانيـن=واصبح ردي العرف يامر وينهـا
انا مجـرب والتجـارب براهيـن=أراهن الأيـام واكسـب رهنهـا
ومنها عرفت الفرق بين الفريقين=سبحان من صاغ العقول ووزنهـا
ياكثر ماشفنا من الشين والزيـن=في شرقها في شامها في يمنهـا
في غربها في كل شتى المياديـن=وكيف انتغاربهـا وهـذا زمنهـا
لا شك أخذت من التجارب براهين=وضمنتها ان كان ربـي ضمنهـا
رفقة ردي المعرفه بعتهـا ديـن=على زبـون(ن) ضمهـا واحتضنهـا
حاول يجيني بالثمن قلـت بعديـن=احفظ فلوسك لين ننشـدك عنهـا
مابعتك الا سلعة(ن) ياحمـر العيـن=أبيعهـا وأبيـع حتـى ثمنـهـا
والله ما أبا الثمن فيها لو بقرشين=بس المهم إنـي تخلصـت منهـا
رشيد بن زيد الزلامي
غير متصل
