معــــركة الحنو

[العويد]

	وقعة ((حنو)) بين بن رشيد وبين سبيع اهل الخرمه واهل رنيا وكان ابن رشيد طامع في ابل القريشات (( لحيات )) لانها تزيد عن الابل بريشه كما يقولون .. وانهزم بن رشيد من جموع سبيع فقال القصيده الشاعر والفارس المشهور (( ناجم بن بويتل الفراعنه )) يسندها لسبيع اهل العارض .. ياراكب من فوق بواجة الخللا=ها الا الميركة مع صميلها .. وضحا رعت من خايع العرق مزته =ومصيافها من جنب رغوه جثيلها .. ذعاره .. نياره .. عيدهيه =كن اشهب البارود روج ظليلها .. ولا كما ربدا ظليم تحسست =بين الحجايا مامن الله جفيلها .. رز مسامعها وبتر فخوذها =وهجف سماريها وكد هجيلها .. تلفي هل العارض صباح من السحر =دار بني عمي رعو في نثيلها .. ياليتهم شافو عن الهرج فعلنا =يوم الجهامه ماصفطنا هزيلها .. جتنا جيوش ابن رشيد وسبلت =دون الحفا نهارها مثل ليلها .. جانا بتميم وشمر وحضر حايل = وهتيم واهل الشام جنا يهيلها ... يقودها قود المزاغيف بالرسن =مقدم حصين .. وحصين محيلها .. يبون(( لحيات )) عساهم للفنا =ولحيات مقابيس البلا دون حيلها .. من وقفنا صاحو وطاحو وظللو=ن الدبا الكتفان مذعور خيلها .. نطرح عواديهم ونقلع ثبارها =لعيون من بالطيب كدت جديلها ... ولعيون شرف بالمهامه ترايعت =عيرات اهل حايل تلاطم شليلها .. جيوش شرايدهم وهم كثر الدبا = قلايل ماينتدواى عليلها .. لكن مجالدنا ليا ضيقو بنا =مجالد سباع مايحقر ذليلها .. وحتى ايش او هم ضيقو بنا =روح الخفا ماعاد يبرد غليلها .. شلنا عليهم بالمراجيف والقنا =لين الله ادنى للاعادي رحيلها ... والنعم يالزكور حدودهم عن العذا =ماتطرح الجمعه الا جليلها .. اولاد علي اليا تعزوو بجدهم=اطاوعت دون العشاير قبيلها ... من سو وقع سيوفهم ورماحهم =روس العدا ازرى سيلها لا يشيلها .. ونعم يالاد العميري بفعلهم =والله ماللحرب نرجى بديلها .. يوم ارهجو صنع الهنادي وسبلو =نقالةالزومة تبرشم دليلها .. ونعم ياترثة بني عمر لااقبلو=مثل الهجايا من غبايا مخيلها .. كم سابقن توهنت دون جمعهم =خيالها ياكل ثمر حنظليلها .. والنعم ياللي من ورى الدار سبلو =عوامر حبل الدرك يستويلها ... 000000 يقول شاعر ابن رشيد على لسانه ... جيت ابي لحيات بالماريه =قيل مامثله مع العربان .. تشبهه مع زايد الريشيه =خرد في روشن سلطان .. هو كرت فوق الميه شويه =روحت مع سايح الريضان ... اشهد ان لحيبات بالماريه =فوق وصف يقوله العتبان .. مير دونة شذره الهنديه =واربع جموع من السبعان .. وهل الوديان ياحورية = احذرو علم يجيكم ثان ... وكل القبايل كانت تدي الجزيه لبن رشيد الا ((سبيع والسهول والعجمان)) يقول عجران بن شرفي في ابن رشيد ... كل قد ذاق حرب سيفه وطاوع /*/ الا سبيع والسهول ويام ... واسمحولي على الاطاله ولاهنتو منقول من منتدى سبيع ( خيال العرفااء ) الكااتب بعيد الهقاوي,,,,,,, وشكرا,,,,,,,, اخوكم العويد,,,,,,

[راعي التوحيد]

والقصيده كامله منقوله من سوالف الطيبين للاستاذ عبدالله الحضبي
وكذلك رد شاعر ابن رشيد
وقصة الموقعه ويجب كتابة المصدر
وبالنيابه عن المؤلف أعتذر

و الشكر لبعيد الهقاوي والعويد

[اخو شما]

بيض الله وجهك يالعويد
هذي السوالف التي تشرح الخاطر

وهذا شاعر شمر المعروف مبارك التيبناوي وكان مرافقا لجيش
ابن رشيد يقول

تسعيـن ليلـه والـرسـن بالغـرابـه= لما غدت شروى العرائش مخلـه
ياشيخ نشكيك الرمك مـع اركابـه= خفافـهـن واظهـورهـن مستـمـلـه
من وادي الخرمه الى خشم طابه= مثـل المحـوص الــواده جرتنـلـه

وكان يشكي لابن رشيد حالة الرمك( الجيش) بعد الهزيمه التي وجدوها

الف شكر يالعويد
ولاعدمنااااااااااك

[العويد]

	راعي التوحيد,,,,,,, هلا بك يالغاالي ولاهنت على تعليقك وتبيين مصدر القصيده,,,,,,,, اماا بالنسبه لي اناا فليس لدي علم بأن القصه والقصيده في كتااب الاخ الحضبي لأن الكتااب ليس لدي اصلا !!,,,,,,,, اناا ذكرت المصدر اللي نقلت منه الموضوع والظااهر شفت نهااية الموضوع ايش كتبت,,,,,,,,, لاهنت يالغاالي ولو اني نااقلها من كتااب الاخ عبدالله الحضبي كاان قلت المصدر من كتاابه !!,,,,,,,,, لاعدمتك على مدااخلتك,,,,,,,, --- الآخ اخو شماء,,,,,,,,,,, داائما تتحفناا بماا هو ناادر الوجود والتميز,,,,,,,,,, بيض الله وجهك على ايراااد قصيدة الشمري,,,,,,,, فعلا بعض الموواضيع تجيب السوالف والقصيد,,,,,,,, لاهنت يالغاالي وداام تميزك,,,,,,,,,,, تقبل تحياات اخــــــــوك,,,,,,,,,, العويد,,,,,,,

[العويد]

	اضاافه اخي اخو شماااء,,,,,, في هذه المعركه قاال ذرباان من ال عمير من المشااعبه وهو من ال مسفر المغااتير الاحديه المشهوره,,,,,, اشكي عليكم حربتي ضميااانه=شرابها الدم الحمر لعيون من يزهى الذهب ذرعانه=يطمح ليا رد الخبر المعروف للجميع وفي الكتب ان قاائل الاحديه هو ذرباان ومن ال عمير بس,,,,,, وفي هذه المعركه الفارس المشهور ابن حريمل عندما قتل الشلاقي وقصيدته مشهوره في ولده سيف بعد هذه المعركه,,,,,, اخوكم,,,,,,,

[المولع]

لا هنت يالعويد

وبيض الله وجهك

اما بالنسبه للاحديه اللي ذكرتها ليست لذربان وانما هي لـ عبيد ابن هادي ابن محسن ابن حريمل
وهي مع قبائل الجنوب بعد الحنو
وقتل في تلك المعركه ابن حريمل هذا الكلام سألت عنه شيبان من الجماعه واجد ومنهم هادي ابن عبيد ابن حريمل
ارجو تصحيح المعلومه وهي وردت في كتاب الحضبي انا ماشفتها بس ذكرت لي لأن الكتاب انا ماقريته
ونزلت قبله في ديوان القريشي اللي بالكويت وصار اتصال من احد احفاد ابن حريمل ووعدهم القريشي بالتصحيح
ولا ادري لأن الطبعه الثانيه ماجتني للحين

ارجو التصحيح من الجميع لأن هذا حق من حقوق فرساننا الله يرحمهم
ولو ان الفارسين كلهم من المشاعبه ولكن الحق ينقال
وانا لاني من الحرامله ولا ال مسفر
ولكن للتصحيح ذكرت المعلومه

[اخو شما]

بيض الله وجيهكم يالاد مشعب
اما قصة المشعبي اللي ذبح الشلاقي افرس فرسان شمر
فهي محفوظه للمشاعبه وكما تفضل اخي العويد فهناك قصيده
في هذا الشأن موجهه من المشعبي لأبنه وقد قطعت رجل المشعبي
لأنه اختلف هو والشلاقي ضربتان
ضربة الشلاقي قطعت رجل المشعبي
وضربة المشعبي اطارت برأس الشلاقي
ودمتم على خير
وبيض الله وجيهكم

[العويد]

لاهنتو جميع المولع واخو شماا على الرد,,,,,,

اخي وعزيزي المولع بالنسبه للأحديه المذكوره اناا سمعتها من احد اعيان ال مسفر,,,,,,,

يمكن فيه التبااس واهم شي حفظ الحقوق سواءا للشاعر او الفااارس,,,,,,,

إن شالله راح اسأل واتأكد من الموضوع من نفسي واذاا قدرت نزلت موضوع كاامل عن هالنقطه,,,,,,,

لاهنت طال عمرك,,,,,,,,

ابن عمك,,,,,,

العويد,,,,,,,

[الغضروف]

شكرا على النقل الموفق




تحيااااتي لك

[lion1430]

مشكور وما قصرت والله لا يهينك