نعم .....
خيانة الحضبي للأمانه ......... في كتابه سوالف الطيبين (الجزء الثاني)
وذلك عندما اراد ان ينقل للقراء قصائد بين شاعر التوباد سعد ابن ثلاب القباني وبين الشاعر عبدالمحسن بن ثواب المشعبي .. والشاعر مسفر بن محسن المخاضير الصنادلة (رحمه الله)....
ماذا فعل ....؟ وكيف نقل الامانه ...
.
.
بداية:
حذف والغاء قصيدة كــــاملة !!!
أيعقل هذا ... ممن نصب نفسه لجمع وتدوين قصائد قبيلة سبيع!!
نعم لقد ألغى قصيدة تتكون من ثلاثة وعشرين بيت
انها قصيدة سعد ابن ثلاب القباني التي يقول فيها:
[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
السبيعي تهيَّض والسبيعي يقول= ديرتي رنية الفيحاء ووديانها
سكنها هم هل الغلباء رجالٍ زحول=هم سبيع بن عامر كل جدانها
جدهم صعصعه، ثم تجتمع به سلول=من بكر من هوازن قيس عيلانها
في مضر تلتقي أنسابهم والرسول=من نزار المعدِّي نسل عدنانها
لاد عمي هل المثلوث كل يقول=واعتراف القبايل ضبط وكدانها
احدَرَوا من اديرهم ثم سُمَّوا سهول=لاد سعد الشماسي جد قبانها
اسكنوا وسط نجدٍ حول سيح الدبول=ثم ساروا الى الأفلاج واوطانها
في ثنايا العويرض صمموا بالنزول=جوَّدوا يوم حَلَّوا كل خدانها
لاد قبان لوّل هم جمال الحمول= ارسخوا في العويرض وسط شعبانها
قرن عاشر زمانٍ جوك مثل السيول=مثل سيلٍ قويٍ طم شجرانها
ما خذينٍ مناهم يوم زين الحلول= حافضينٍ حماهم بين عدوانها
وارثين الشجاعة فوق قُبّ الخيول=ينطحون المنية وسط ميدانها
مرخصين العمار اوقات زيغ العقول=لا انتشر في المعارك عج دخانها
حازوا الطايلة في الحرب وقت الجهول=يوم بعض العرب ما شاع علمانها
ملتجاً للضعيف ان جا الدهر به ميول=ضيفهم يكرمونه من شحم ضانها
ياصلون المحاري لا تردّى الحيول=يصعدون المعالي فوق صيحانها
يا قبيلة سبيعٍ ياسباع الليول=يا جموع المعزي سالف ازمانها
بيانتٍ مواقفهم بكثر القتول=لا تلاقت نهار الكون فرسانها
من يعادي هل الغلبا تراه مهبول=يترك الداب وشجرته ومسكانها
ومن طمع في وطنهم جاه يومٍ يهول=الأسود الضواري تحمي اوطانها
جعل ديرة سبيع للسعد والقبول=جعلها الله تزيد ويرتفع شانها
يابو مرضي وعطنا الردّ خللك عجول=يوم جسّار ما يبطي بقيفانها
ختمها في صلاةٍ للنبي الرسول=عِدّ ما طافوا الحجّاج باركانه
[/poet]
تصروا تم إلغاء قصيدة كاملة ولم يتطرق لذكرها بتاتا.
مع انها تتعلق بها جميع القصائد التي أوردها ...
وعندما اراد ان يأتي بالرد من الشاعر عبدالمحسن بن ثواب المشعبي ..
ماذا فعل ..!!
اقتطع وحذف من قصيدته سبعة عشر بيت !!!!!اعيد واكرر سبعة عشر بيت ..
بأي حق يحذفها..
حذفها ليخفي ان هذه القصيدة رد على قصيدة ابن ثلاب...
ثم ألف وزور لها مقدمة جميلة تمتع بمشاهدتها:
وإليكم قصيدة الشاعر عبد المحسن بن ثواب المشعبي السبيعي
كاملة وتتكون من ستة وعشرين بيت :
[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
السبيعي تهيض من هجوس عجول=يترك اهزالها ويسجل اسمانها
قدم بدع القصيد وقدم ما كان اقول=اذكر اللي خلق نفسي ورحمانها
السبيعي بدارٍ من قديم الحلول=هم سلاطينها وحماة حدانها
من غزاها طموعٍ رِدّ منها فشول=غالية مكرمة ما واحدٍ هانها
حدها ضلع أبا القاسم وما اقبل قبول=الى جبال الرقيقة هي وقلبانها
من جنوب حماد ومن شمال تلول=وغربها حرة سبيع وكيرانها
مصنع للملاح(1) وللنمورة دحول=كم فريسٍ رمت به فوق جيلانها
والذي هاضني بالكتب فوق السجول=كلمةٍ للسبيعي شفت عنوانها
ياابن عايض (2) تخير لرسالة رسول=الديانة بنرسلها لديانها
العرب ما يحبون الرفيق التلول=كيف يرقد ارجالٍ ما قضت شانها
ابن ثلاب يحسب للشهر والهلول=بيعلوي بيوتٍ صبّ سيانها
ياابن ثلاب في مدحك تقول وتطول=ثابت مدح ربعك بين جيرانها
لاد قبان لطامه شباة العيول=عند دار لهم حلوا بجيلانها
ماشروها بنقد ولا عطية بخول=كود بمشوّكٍ تشتب ضيّانها
في الجواهل يوم قدر المنايا يجول=قرّروها وصاروا هم عربانها
في ثنايا العويرض حذفوا بالعدول=مثل نفر التهامية وعمدانها
استحلوا جبلها والسهل والحقول=واصبحت غايةٍ وهم روس يسدانها
موقفٍ ما خضع لَريا الذليل العذول=خاضعٍ للسيوف وراي فرسانها
كل عينٍ سهيرة قد ملوها كحول=لين سلمت مشاكي كل وجعانها
وعشقتهم وصارت يمهم في ميول=لين صارت لهم جنات عدنانها
جعلهم يسلمون وجعلها ما تزول=يوم قامت تزيّن وهم خطبانها
يا سعد يا سعدها عند ثقل الحمول=ياحكيم المعرفة جبت ثبتانها
المعرفة تجي مع طيبين العقول=صاحب المعرفة يفرح بعرفانها
انت سلّم على آل قبان خلك عجول=كل قبان شايبها وشبانها
خص شيخ القبيلة كل شيٍ له وصول=ريَّس القوم مقود كل شجعانها
مع صلاتي على طه النبي الرسول=عدّ نبت الورق بغصون عيدانها
[/poet]
1) الملح : البارود
(2)ابن عايض : هو جسار بن عايض المشعبي التي اسند له شاعر التوباد القصيدة بقوله:
يابو مرضي وعطنا الردّ خللك عجول=يوم جسّار ما يبطي بقيفانها
وعندما اراد ان ينقل للقراء الثالثة وهي رد الشاعر/ مسفر بن محمد بن محسن المخاضير الصنادلة ...
حذف منها أربعة ابيات !!!
وصاغ لها مناسبة من عنده ...تمتعوا بقراءتها
وإليكم القصيدة كاملة /
[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يا سلامي سلامٍ مرسله من الشلول=من نمورٍ مرابيها بضلعانها
علّمونا الآداب وحمّلونا الثقول=ربعنا اللي مضوا ِِِما مال ميزانها
من جميع النواحي معقّلين الزمول=وان تعدّت علينا نقطع بطانها
دارسين المعارك يوم عصر النبول=يوم بعض القبايل ما اقتضت شانها
نركب الطايرة من عقب ركب الذلول=والصواريخ مرصودة بجنحانها
لا وصلت العويرض نزلوها نزول=واكتبوا فوق بيت الشيخ عنوانها
يوم جانا خطابٍ مظهرٍ من السجول=شجرة الطيب تعجبنا بريحانها
يا ابن ثلاب ربعك في قديم الحلول=يطردون القبايل دون حدانها
ما يعدّ المناسب كود رجلٍ يقول=طبّ جوف البحور وجوف حيتانها
ترفع الراس يالفارس وعمرك يطول=عزوتي في ليالٍ شب نيرانها
يا سعد لاتباطانا ولا انت بزعول=والرجال بتطالبنا بحقانها
انت غالي وحنا مالقينا سبول=ودي إن حاجتي تاصل على مانها
يذكرونك بمكة يم ريع الحجول=والبيوت الشريفة جيت بحضانها
ليش ما جيتنا يا شيخ ما انت بزلول=جيتك عندنا نفرح على شانها
اقبل العذر منّا وانت منك القبول=ونتواجه بساعه غاب شيطانها
[/poet]
والرابعة :
قام الحضبي بمجاملة بعض السفهاء من قبيلة السهول الذين تعدوا وجاوزوا الحدود في علم الانساب فقالوا بان الشماسات والمشاعبة الذين في سبيع اصلهم وجدهم
من قبيلة السهول ولكن دخلوا مع قبيلة سبيع بالحلف .
فأورد قصيدة رشيد بن مساعد القباني التي عارض فيها قصيدة ابن ثلاب ..
فحشرها في كتابه حشرا وجعلها ردا على قصيدة ابن ثلاب ملحمة القبابنه التي تختلف
عنها كل الاختلاف في القافية و الوزن و الموضوع ,وأخفى علىالقراء ان هذه القصيدة كانت رد على قصيدة ابن ثلاب التي حذفها ولم يوردها في كتابه!!!
بعد ذلك كله هل ادى الحضبي الامانه في نقله لهذه القصائد؟
غير متصل
