الشاعر الموجود عنده طلب

[خالد الشماسي]

الليله الشاعر الموجود عنده طلب = مؤكد الحجز حتى اذان وقت الفجر
وين انت ياللي تعرف تصيغ ذوب الذهب= تسري بليل الخميس وتقتدي بالقمر

[حمود الحقي]

الله يمسيك بالخير يابو عمر

جدي وصاته يقول اقلط لاشفت الشبب=انا هنا واسر في مسراك يابو عمر
جاك العميل القديم اللي يعوم الغبب=هاك استلم باخرتنا واضرب اصعب بحر

[خالد الشماسي]

يا مرحبا بك ولا من جيت زاد الطرب =حضر هجوسك ورتبها وعطني خبر
اقطع لنا راس شيخ البيه وابو لهب = لكن حذاري تصير لكل خايف عبر

[حمود الحقي]

الواجبه ماتؤخر ياعريب النسب=وانته معلم وراعي عرف مالك عذر
عاداتنا مانهاب وما طلبته وجب=هيا مشينا شهادة عز والا نصر

[خالد الشماسي]

الله الله
كفو يا ابو قاسي

[حمود الحقي]

ماعليك زود ياكحيلان

[خالد الشماسي]

راح اربعة لا عبين في صريم الحطب = واللي بقى صابه الدنبوش مثل النصر
لو تدرس الخارطة بتشوف وضع العرب = ما يحتمل يا حمود ازيادة في الصبر

[ابو زيد الهلالي]

سلآآآم عليكم

ومساء الخير للحضور

محاورة قمة من شعراء القمة

واصلوا وانا في الصف

[خالد الشماسي]

هلا بك يا بو زيد

سعداء بوجودك

[حمود الحقي]

ترا السرا واصلً حريفة المنتخب=ماعاد في هالسنين الا كروتً حمر
من يحتمل صيحة الجمهور لامن غضب=دام النتايج خسارة دوم واحد صفر