هذه الأبيات جاريت فيها ابيات في توقيع الشاعر الكبير والقدير مصلح بن ربح الصميلي السبيعي
وهذه ابيات ابو صامل
يا الله بمنطوقـاً يشنـف بـا الاذان = يدخل عقول اصحاب الالباب ومصيب
اليا استمع له صاحب العقل شفقـان = يبغا الحكم من محكمـات الدواليـب
يسمع صدى غيدٍ رشيقاتـاً سمـان = يسمؤ بهن فكر المطاليـق وينيـب
تهدى قرايحهـن لذربيـن الايمـان = اللي لهم في ساحة المجـد ترتيـب
وهذه مجاراتي لها
يالله بمنطوقٍ ينور بالاذهان = تصحي به قلوب المخاليق وتفيق
نطق الشهادة والعدالة والإيمان = وتطبقه جوارح الجسم تطبيق
نطقٍ يثقل فالموازين من شان = ليا حشر قدم الإله المخاليق
نفوز فوزٍ ما يقدر بالاثمان = ونكون من ضمن العباد المعاتيق
أسألك يا منزل سبأ وآل عمران = وموثقٍ حبل الرجاء فيك توثيق
تغفر ذنوبي يوم زوغات الاذهان = في ساعةٍ كل الخلايق مدانيق
ساعة تجلا للمخاليق غضبان = ومن خوف بطشك بالملاء ينشف الريق
ووقفت في ذيك العُراصات وجلان = وتقطعت بين الضلوع المعاليق
رحمتك يارحمن ياول ألاحسان = يا مفرج الكربات في ساعة الضيق