منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
الله من علتن بالصدر مخفيها=من خوف الأنذال ماودي تمهزابي
اساير النفس بأشعاري وسليها=واحاول اثبت وجودي واملك اعصابي
والخطوه اللي بها تشكيك مأمشيها=واحث نفسي عن الهفوات ترقابي
والنفس لاشفتها زادت شكاويها=هديتها واعتليت ابراس مرقابي
والناس ماهمني كثرت حكاويها=حتى لو اللي حكوبي بعض الأقرابي
مقيول صعبه جميع الناس ترضيها=لأرضيت طلاب حاجه جاك طلابي
يالله ياللي جميع الخلق تحييها=يامنزلن سورة التوبه والأحزابي
تفرج لعينن لذيذ النوم جافيها=تقول فيها حروبن بين الأهدابي
واسألك نفسي على الطاعه تقويها=يواحدن من رجى رحمتك ماخابي
سبع السموات تخضع لك بأراضيها=وشلون مايخضعون اصحاب الألبابي
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
أخي الكريم الشاعر / عايض أبو شيبه السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة المضمون والمعبرة والله يبعد عنك الأنذال والله يقوينا وإياك على الطاعة ويعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
