منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يبحل العاقل بعرفه مـع النـاس الغشـم = بالسـلام يـرد لا خاطبـوه الجهـلـي
فالتجارب عبرة لمـن يشـوف ويفتهـم = والعقول ووزنهـا فـي يديـن المعتلـي
من عسف نفسه على طاعـة الله استقـم = ومن تبع نفسه تزجه من اعلـى لسفلـي
كان تبغى الخير للفرض يابـن آدم اقـم = بخشـوع الخاضـع الزاهـد المتذلـلـي
وعن طريقٍ حرمه خالقك شـم واحتشـم = مرقب العليا عسيرٍ علـى مـن يكسلـي
وتكل احجاجك على اللي بحبله نعتصـم = ماربـح منهـو لغيـر المدبـر يسألـي
ولا تعجب لو زمانك على كبـدك وسـم = دبرت اللي يدبـرك والزمـن متحولـي
ولا ترجى راعي المال لو عرشت عظـم = الاجل محتـوم والـرزق كافلـه الولـي
الله الرزاق وان جتـك فرصـه فاغتنـم = السماء لو اسبلت بالذهـب مـا تسبلـي
وميز اللي يحقرك والـذي لـك يحتـرم = وعامل اللي يعاملك بالـذي لـك يعملـي
فلو تساوي مثل نار الغضى نـار الفحـم = كنـك اللـي فالطلـي بالبعيـر مبدلـي
ولو تقدم للعرب من لحـم جوفـك لحـم = ما تحصل في كثيـر العـرب متجملـي
صنعة المعروف فاللاش ناتجهـا النـدم = مالها في ضرب الامثال يالطيـب حلـي
غير من ضيع نهاره يحاكي لـه اصـم = هل على هذا مشاريـه يالرجـل الشلـي
عز نفسك عن طواريـق مهفيـن الذمـم = لا ضلال بشجـرة الحنضلـه او مأكلـي
رافق اللي لو يوقف زمانك لـك خصـم =كرس جهـوده وهمـك بقلبـه يصطلـي
والرجل يكضم بصدره على جرح ابن عم = مايخلـي بينهـم للمـعـادي مدخـلـي
ولا تفيض حدود فيض المحاجر من عدم = مايفيـض الحاجـر الا وحـده ممتلـي
= بدر بن خرفاش
غير متصل
