منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يا
يالله ياللي من ترجاك ماخاب بامرك تقول يكون للشي و يكون
ياعالم بالكون كله وماغاب ماينحصى فضلك على سايرالكون
ياملتجا عبدك الا منه انصاب يامخرج من ظلمةاليم ذا النون
ارحم فقير جاك يارب رغاب ضامه زمانه واصبح اليوم محزون
يالله طلبتك تفتح برحمتك باب انك قريب لدعوة اعباد يدعون
عانيت فالدنيا وجربت الاكراب وبالمرجله عضيت بانجاذ وسنون
لوان قلبي خلقته من صفاذاب ولولا اليقين اصبحت يا عقل مجنون
اقنب قنيب الذيب في راس مرقاب واصبر وهمي بين الاضلاع مكنون
ثابت مثل فعل السعودي فالارهاب اقاوم الاحداث وابليس ملعون
ماانهز راسي بالصوادف ولا هاب وان كان خان الوقت لايمكن يخون
و يهابه اللي ما وثق فيه الاطناب ولاحط له عن ميلة الوقت مزبون
ويهابه اللي ما عرف قدر الاصحاب اللي بدورات الدواليب مغبون
يوم اتحدى الوقت مانيب بكذاب ذاخرله اللي للصواديف لي عون
عبدالله ال الشيخ معروف الانساب شجرة نبات الطيب باجذار وفنون
يانخوة المضهود لا جاه طلاب ما يلحق الفزعات هرجات ومنون
يذكر لا بو نواف فعله للاجناب كم واحد من مدة ايديه مديون
علم براسه نار موجود لو غاب يصيب يوم ان العواريف يخطون
لاهبت الارياح ما هوب لعاب دين ودنيا لا ادبر الوقت مصيون
يا لله تحفظ من له الطيب مكساب اسمه بذكر الخير والطيب مقرون
يا خذ بنادم يوم يسعى بالاسباب والرزق من رب المخاليق مضمون
جيتك ولا ني في هقاوي مرتاب ماتختلف في خوة الطيب ظنون
وصلاة ربي عد ما لغيث سكاب واعداد مافالبيت ناس يطوفون
على نبي للبشر خير نجاب اللي بنا شرعه على خمسة اركون
غير متصل
