ياسعود مايجرح الرجال ويهمه= الا الخطاء والجفاء والغبن والحاجه
وأخوك ماهوب شرط انك جنين أمه=اخوك من لاضهدك الوقت تحتاجه
لوهو من اقصى العرب من نايد الامه=آخير لك من رفيقااا يعقد حجاجه
والرجل مايعتبر زلة ولــــد عمــه= وان جت من اللي هناك يجود علاجه
وانا اعتبر منزلك في عالى القمه=وان قسم الطيب تلبس درعه وتاجه
لاتستمع في رفيقك هرجة النمه=وأنت ابخص الناس في طبعه ومنهاجه
لوكان يزعل عليك ويحترق دمه= مايستمع فيك هرجـــة كل هراجه
وأنكان ناوي تصد وتخلف اليمه=ياقاك رب السماء والكون وابراجه
من صد عني ماجوده بطرف كمه=طرد المقفي سبب للرجل فى ا حراجه
قلته وانا اقصد علشان ابري الذمه=حتى ضميري يسج ويترك ازعاجه