رد: بعض من مشاهير وبطولات قبيلة بني حميد
كُتب : [ 05 - 04 - 2011 ]
حنا بني عامر هل الجـود والصخـا
هل سربة في الهوش تحوش الغنايم
حنا بني عامر إلـى صـاح صايـح
على الخيل عجلات تلاوي الشكايـم
تناخينا بعامر واقتفى العـج خيلهـم
وجمع المعـادي راح منـا قسايـم
عوامر يا كم سربـة أرجلـوا بهـا
راحت مع فتخـان الأيـدي غنايـم
عوامر كما الضلع الصبور على الشقا
وعقال وفالهـوش نرمـي العمايـم
عوامر لنا في حزة الضيـق موقـف
يشبع بهـا ذيـب الخـلا والحوايـم
لنا ديـرة مسميـة (ن) محتمينهـا
من العرق إلى حوضا ويسارالنعايم
ماها قراح مع دمـاث علـى الحفـا
شداد على الرمضا ليالـي السمايـم
اعذرني فهيد العامري ان كان كثرت من الاساله لكن تقبلني كولد عم وصدرك وسيع ان شاء الله وعلى قولة الاولين ][ من نشد ماضاع ][ السهول بني عمنا مثل مانت عارف يقولون هالقصيده لواحدن منهم وهو برازي وانا نقول انه لمسعر بن ركاض العامري ودي تعطيني دليل او شي يثبت انه لمسعر عشان نفصل الشك باليقين ..
وانت سالم ..
تحيااتي
|