يابو بندر العلم انتها ماعرف معناه

[وافي السبـيعي]

حضورك يابو يزيد انت وجميع الاخوان تكريم لنا

تحياتي

[وافي السبـيعي]

استاذن يابو بندر تصبح على خير والجميع

[فـــالح السبيعي]

عجيبه ياوافـي علم أبوزيــد تتـــعداه

وأنا أبغى السـوالف معك بالمنـهج السـامي

لو إنك بدعت العلم من قبل أنا مـأبداه

لأسـولف وحق البنــــدقيه على الـــــــــرامي

[فـــالح السبيعي]

أخي الغالي وافي السبيعي
تصبح على ألف خير
وإستانست وسعدت باللعب معك
ولك خالص تحيات أخيك أبوبندر

[وافي السبـيعي]

انا اعلمك بالعلم عساك ماتنساه=ولكن لا تزعل على كنك تهامي
ابو يزيد والله نعرفه لا وصلت احماه= يعز الرفيق وللمعادين لطامي

[فـــالح السبيعي]

الله يرج بليسك ياوافي
كنك تهامي:D
أيش فيك ياوافي:D
عموماً تأكد أخوي وافي
لايمكن أزعل من اللعب

ترى الطيب ليا أزعل رفيقه يحب رضــــاه

وأبوزيد فارس مثل صاهود بن لامي

ترى من زعل في الملعبه مايجيب أقصاه

لكنك عليه لاتحكـــم تحـكـــــــامي

[وافي السبـيعي]

يقولون راع الذود عارض رعات الشاه=وراع المكاسب صار من عرض الايتامي
لا والله يابو بندر تراء العلم له مغزاه=عساالله يدمر كل عباد الاصنامي

[أبو يزيد]

الله الله

ولا زالت رحى الملعبــــــــه دائره

ولايزال هذا الهطول العذب من العملاقين

وافــــــي..............أبوبنــــــــــــــــدر

[وافي السبـيعي]

نورت المحاوره يابو يزيد الله يطول عمرك يالغالي

[فـــالح السبيعي]

يغلي السوالف معك ياصاحبي غلياه

تعود على موضوع شايك من العــامي

غدت حابل ونابــــل سببها نجر الآه

لو إنا عرفنــاها قبل زرع الألغـــــامي