حنا هل الطولات ذباحه الحيل

[سلطان ابو ثنين]

الــغـيمة اللي روّحـت بــأول اللـيــلْْ= راحت وخلت برقها لـــه مخايـــل
يالله عسى برق الوسم يتبعــه ســيـل= عقب الدهر والقحط في كل مــايـل
العمر يمضي والعرب شافت الويـــل= وين الرجال اللي تصون الـنفايـل
اللي لهـــم في المــجد كـلـمـة وتعديل= حــمّــاية المسلم من أسـم الرذايـل
تحيزموا بالحق واحصوا المحاصيل= قــبـل القلوب تشيل فـيها الغلايــل
امشوعلى التاريــــخ بين الأقـاويـــل= لاغاب برهـان الخـفـــى والدلايـل
كم واحدً هالوقـت شاف الغرابيـــل= وكم واحدً ماشاف غير الـسهايـل
هذا الزمن من حظ عــــوج المداهيل= ماهوب حظ المكرمين الأصايــل
اللي لهـــم في نجد قدر وتـــمــاثيـــل= راحت مكـانتـهــم كـبار الحمايــل
واليوم يـــوم المـــال لــوهم مهابيـــل= مالً يخلي الرعـو يسـوى القـبايـل
وقتً تغير والسبب كـــــبوة الخيــــل= لاصارت الكـبـوة سببها الهمايــل
راحت مطالبنا على الحـــط والشيــل= كلآ يقــول وعـقـّب الـقـول قـــايل
سبت خراب الأرض شفـنا المهاويـل= اللي تـســمــى فـي زمنــا هــوايل
شومو وقومو ياهل العـرف والميـــل= قـبل يتغير سـلـمـنـا للــهــزايـــــل
عدوّ الحقوق اللي لها الصاع والكيـل= على الذي مجـــنـــاة أصل وسلايل
وأنهـو مسير الشر في كــل ماقــيـــل= حتى يزول الــشــر وقـت العلايــل
حــنا هــل الطولات ذبــاحة الحيــــل= ســبــعــان للــعـليا نشوق الطوايـل
نقـدح هبوب الطيب مع نفحه الهيــل= وليا دعى الداعي قدحـنـا الفـتـايــل
أســــمً على التاريخ نــال المعــاديـــل= أســـــمً خـذاة سـبيـع والعز طـايـل
مع صفحه الـــنوماس حزنا المكاميــل= والكــامــل الله لاكـسـبـنـا الكـمـايـل
قلت الصحيح وماعلى الحق تضليــل= حـقً عـلـيـه الحـق مـــالـه زوايــــل
هـذي مطالبنا وهــذي الــمـــراسيــل= اللــي من المكـتوب جــتـكم رسايــل
ويالله عسى ماقلــت يلقى مقــــابيــل= ونـشــوف بـيـت الـعـز بـابـه تمـايــل

الشاعر// سلطان ابو ثنين

[البحيح]

بيض الله وجهك على هذه القصيدة الجزلة والتي تحمل معاني عظيمة جدا
و تحكي الواقع في هذة الايام


اكرر اعتزازي بك وبقصيدتك
الفارس

[ابن مشعب]

حياك الله ياسلطان


ابيات رائعه وصح لسانك يالذيب

[عايش ابوليل]

السلام عليك ابو ثنين ,,,,,,,,,,,,وبيض الله وجهك على هذه القصيده الرائعه,


واللتي تنبىء بقدووم شاعر كبير,,لاهنة ياابو ثنين ,,وكفوعلى اللي قلته..لك تحياتي.

[وافي السبـيعي]

صح لسانك والقصيدة طيبه جدا

وانا اشكرك جزئل الشكر