ول ياقلب العنا‘‘‘‘‘‘‘‘‘‘

[ابومحمد11]

ول ياقلب العنـــا ماطفت ناره0000ول يانفسن على الله مشــــاكيها

راكب اللي تـــو ماغسل غباره0000دوب نقلت رخصته باسـم راعيها

من وكيله جــاه هاويه واختاره0000سايقن فيه الدراهــــم ومصخيها

مابعد دوج به الـورع في الحاره0000ولارقا روس الطــعوس ومشا فيها

منوه اللي هزه الشــوق لدياره0000 عقب نفســـه غربـلتها طواريها

ياصل اللي ماتجاهــلت مقداره0000راس زيزوم الســــرايا وحاميها

شاعرن يـدرك معانيه باشعاره0000 والبيوت الخايـــــعه مايدانيها

بشتكي له من عنا الوقت واقداره0000 ومن صـــواديف الليال وبلاويها

صادقن من قال الايــام دواره0000 لعنــــــبوها ماعرفنا مماشيها

الفقير ينافس اليــــوم تجاره0000والـــردي روس الشواهيق راقيها

والكسير يعاند اليـــوم جباره0000 ماعـــرفنا علتــه وش يداويها

ذا زمانن ماعرفنا وش اسـراره0000ولاعرفنا قصـــــته وش تواليها

[حفيد المجد]

راكب اللي تـــو ماغسل غباره0000دوب نقلت رخصته باسـم راعيها

من وكيله جــاه هاويه واختاره0000سايقن فيه الدراهــــم ومصخيها

مابعد دوج به الـورع في الحاره0000ولارقا روس الطــعوس ومشا فيها

منوه اللي هزه الشــوق لدياره0000 عقب نفســـه غربـلتها طواريها



الله الله

صح لساانك ياسميي قبل التعديل

تحياااتي

[ابومحمد11]

صح بدنك طال عمرك

مرورك شرف لي ياحفيد المجد

[ابومحمد11]

راكب اللي تو ماغسل غباره = دوب نقلت نقلت رخصته باسم راعيها
مابعد دوج به الخبل بالحاره = ولارقا روس الطوال ومشا فيها
منوه اللي هزه الشوق لدياره = عقب نفسه غربلتها طواريها
ياصل اللي ماتجاهلت مقداره = شاعرن بدع الطواريق هاويها
شاعرن يدرك معانيه باشعاره = والبيوت الخايعه مايدانيها
بشتكي له من عنا الوقت واقداره = ومن صواديف الليال وبلاويها
صادقن من قال الايام دواره = لعنبوها ماعرفنا مماشيها
الفقير ينافس اليوم تجاره = والردي روس الشواهيق ناويها
والكسير يحارب اليوم جباره = ماعرفنا علته وش يداويها
ذا زمانن ماعرفناوش اسراره = ولاعرفنا قصته وش تواليها
حار فيها العقل واختلت افكاره = واخلتط حمايها مع حراميها
مير علمني ترا الناس محتاره = ناس تنفيها وناسن تناديها
وكان ماجاء العلم في موجز اخباره = عقب خمس اسنين تكثر دواديها
مير والله لالحق الغاره الغاره = واعتزي باللي طوالن يمانيها
لعنبو كبدن على الغبن صباره = ولعنبو نفسن تناست مباديها]