تعال يابو زيد الهلالي

[حمود الحقي]

اسعد الله مسا الجميع بكل خير....

ابدع الطاروق يابو زيد

[ابو زيد الهلالي]

ارحب يابو قاسي والله يمسيك بمثله

والبدع عندك نفداك

[حمود الحقي]

ابو زيد الهـلالي غايباً له وقت ماينشــاف *** ولا ندري علامه غيبته وش هي سبايبها

نبا ناخذ معـه محراف وانداويه فالمحراف ***وحنــا لانوينا القــوم يــابو زيد نـــــدبهـا

[ابومحمد11]

الله الله
طارق يبشر بمحاوره رائعه
صح الله السنتكم شعرائنا
متابعين

[حمود الحقي]

مرحبابك ابو محمد..

صح بدنك..

[ابو زيد الهلالي]

ابو زيد الهلالي لاحضر تحسبله العراف = ولامن غاب فحضور العرب من دون غايبها
تعوذ من بليس ولاتهقوى والرجال اصناف= أخاف انك تشب النار ثم يحرقك لاهبها

[ابو زيد الهلالي]

ارحب يابو محمد وصح بدنك شرفتنا بحضورك

[ابومحمد11]

الله الله

[حمود الحقي]

انا انشد عن رفيقي ودي انه ماعليه اخلاف *** لونه لو يغيب اهل الوفا من دون واجبها

تقوله يالهــلالي وانت لا مطلق ولا صياف *** ولا غيـــرك حطــب لنار لاشبت شبايبها

[ابو زيد الهلالي]

تراني ماعلي مثلك خلاف وربنا رواف = واكيد القوم مايحمى لحاها الا شواربها
تقوله يابن قاسي وانت ما انتب تبدي المشراف = على راسك نسانيس العنا هبت هبايبها