[المجهول!!!]

	تل قلبي مـن هنـوف ٍ شفتهـا بالعاذريـه في عصر يوم الربوع ولخبطة كامـل كيانـي شفتها تمشـي وحدهـا مابهـا نيـه رديـه وأبهرتني بالجمال ورجعت عشـري ثمانـي شفت قبلـه نـاس واجـد ماعليـه ماعليـه ومثلها ما قد رأيت ولا لمحتـه لـو ثوانـي زين يوسف تملكـه بالحيـل ذيـك ألأدميـه وكل مأغض النظر ترجع عيوني وتعصانـي وش هنوف ٍ هي نحيه وباقي العالـم نحيـه كامله سبحان من صـور هـذاك المودمانـي لو بوصفها بقصـر مـن جمـال الأجوديـه والشعر تنضب بحـوره ماتوفيهـا المعانـي زينها يفرق عن الزينات أصل الزيـن هيـه لو يوزع زينها كفـى لجيلـه وجيـل ثانـي قالو اول لا بغيـت الزيـن عنـد الفارسيـه وش جمال الفرس لو قسته بها في ذا الزماني من ملامحها الخصور اقواس والعين المنيـه وألله ان العين من نظـره توقفنـي مكانـي والهدب لا سلهمت به يذبح اكثر من سريـه وش جيوش الروم ولا الصين ولا التركماني وذوق راقي في أختيار الزي ذوق اللي ذكيـه ولو تكلم زيها بيقـول هـو زينـه غطانـي شفتوا الشيله مع البرقع عليـه أكبـر أذيـه تخلف الرجال لو أنـه فـلان بـن الفلانـي عقبها كني سجين ٍ فـي سجـون الناصريـه متهم في قتل أبوه بيـوم واحـد برمضانـي ياعتيبه يا رياجيـل الوفـا وأهـل الحميـه أفزعولي قبل توصلنـي ليـا حـد الجنانـي أطلبوهـا فالمحاكـم وأرفعـوا فيهـا قضيـه وأنشدو عنها مع العربان من قاصي ودانـي أن لقيتوها منيـه وكـان لا فأنـا الضحيـه ألله اللـي قادنـي لسهومهـا وألله رمانـي هي بريـه مالهـا فالذنـب مسكينـه بريـه ذنبهـا زيـن ٍ تغشاهـا وشفتـه وأبتلانـي وأكتبوني من ضحاياهـا هنـوف العاذريـه وأنسوا أني عايش ٍ بالكون مادامـه نسانـي عقبها كني سجين ٍ فـي سجـون الناصريـه يحتري عفوا ً من ألله يخرجه من ذا المكاني