[ابو مـــــسلط]

نعنبو ذالبر ماعاد في جوه شفاة=عقب خلي من النشاما طويلين الشبور
اتمنا عامنا اللي مضى واللي وراه=يوم فالبران ربعن يصكون النجور
من بغا المسيار خذ بندقه والا عصاه=واتجه يم النشاما موسعت الصدور
يوم باب الرزق مفتوح من كل اتجاه=في سنع قناصهم تسمع البندق تثور
من جزال الصيد يختار كان الله عطاه=مايرد الراس يم الارانب والطيور
وانتهت الارزاق ماعادبه شين نباه=عقب ذيك الغلت اللي لها في الارض نور
كل ماسيرت فالبر شيبني خلاه=بانتقل من البر واكمل عداد اهل القصور
والله انا نحسب البر ماينقص غلاه=مير نقصه الزمن واليال اللي تدور
كل شين له بدايه ويلحق منتهاه= وكل شين له قبول ويمحقه الدبور
يالله اني طالبن منزل الماء من سماه=رحمته ماهيب تنقص عن العبد الشكور
رحمته تضفي على من تجود في عراه=التوي بحماه لابعثر اللي فالقبور
جعل يهدينا على طاعته مع من هداه=غافر الزلات علام ماتخف الصدور
يالبيب القلب ابا اهديك من عندي وصاه=التزم في طاعت اللي لزلاتك غفور
اعلم ان مفتاح باب العمل هي الصلاة=صل فرض الله وصل النفايل فالسحور
اذكر اللي ننتصب قدمه حفاتن عراه=ماحدن ينظر لعورات الاناثي والذكور
ينصب الميزان واللي عمل عملن لقاه=عذر مابه عذر ماحدن يلف ولايدور