ياما وياما في قصيدي تغزّلت
من واقعي واكثر قصيدي خيالي
نزلت في وسط المجله ونزلت
وسط الجريده ماحسبت التوالي
توبه وانا من هاجس الشعر عزلت
حان الفراق وحان وقت اعتزالي
وانا ادري اني بالشعر ماتمهزلت
لكن ذكرت الله عليه اتكالي
اخاف من قولت هديت وترزلت
في ساعة ٍ ماسرنا كل غالي
في صورة التوبه قريت وتزلزلت
آيه من الذكر الحكيم وطرالي :
ان الشعر ماينفعك لو تغزلت
افطن وعاين في بنات الليالي