خيال الغلباء --الله يمسيك بالخير واحب اقولك (اختلاف الراي لايفسد للود قضيه)
ولي وجهة نظر تختلف عن وجهة نظرك وثق اننا ماجينا نتناقش في الموضوع الا لنصل
الى الحقيقه وليس لي او لك اي مقاصد اومصلحه خاصه وليس في الموضوع اي انتقاص
اومساس بحق احد ولكن سوف نحاول ان نقرب وجهات نظرنا لنصل الى نتيجه تكون اقرب للواقع
ولا نستغني عن اراء ووجهة نظر الأخوان بعيد عن التشنج والتعصب الأعماء --ولك كل تقدير
واحترام----
1- هل سبيع ماعندهم من مرابط الخيل الا الغلباء ؟؟؟؟؟؟؟؟؟؟
1-وش رايك في قول الشاعر فهد بن مخشوش السبيعي--
انا من الغلبا سبيع بن عامر***اهل الشجاعه والفعول الجزايل
هل يقصد انه من سبيع بن عامر الغالبه فى الحروب --اومثل ماقال جميعان
انه من خيل سبيع بن عامر--
2-وش رايك في قول الشاعر الخليوي ابوذيب من النبطه من بني عمر من سبيع--
جمع من الغلبا يسر الفوادي ***يقلط الياهابت جموع الأجانيب
هل من المعقول انه يقصد الفرس ؟؟؟؟وهل الفرس يقلط الياهابت جموع الأجانيب؟؟؟
هل تعتقد ان الغلبا المذكوره فرس سبيع التي ليس لديهم فرس سواها
او ان الغلبا المقصوده صفه لسبيع تلازمهم اثناء التحام الصفوف-
3-وش رايك في قول تركي ابن حميدالعتيبي-
عديت في الطيري وعالي نفوده*** واصيح للغلبا بروس المشاريف
من يقصد بالغلبا هنا؟؟؟؟؟؟؟
اهل ديار موسعين حدوده*** واهل مهار يلعبن العجاريف
ليه مقال اهل الغلبا يلعبن----؟؟؟؟
ماطمن القوز الحمر من نفوده***حامينها الغلبا بروس المراهيف
من اللي يحمون بروس المراهيف هم سبيع وذالك يدل على ان الغلبا صفه لهم
4-مماقال شليويح العطاوي --
لا وا رفيقي اللي قعد في يعومات** ومقاديٍ لخشوم الأملح يساره
رديتها عنده يجي خمس مرات** وعدوني الغلبا سوات النماره
قومٍ لهم في ماضي الوقت صولات** اولاد الزكور اللي تهوش بجباره
يامن يبشرني عنه كان مامات** ياهل اذلول اللي تبون البشاره
والظاهر انه يصف سبيع بالغلباء --ولا وش رايك
5- الشاعر محمد الطنباوي من العرينات--
سبعان وان ركبو طوال السماحيق** لاقطبو صم الرمك بالشكايم
ربعي هل الغلبا سيوفٍ دواليق ** عدوهم يمسي من الخوف حايم
ربعي مروية الغلب بالمزاريق** يوم المراجل بين بايع وسايم
ربعي هل الغلبا سيوفٍ دواليق --اي هل الطايله وهذي اعتقد انها صفه لسبيع
والا وش رايك اتمنى انني وضحت لك بعض ماتوصلت ايليه في هذا الموضوع
ولك مني كل تقدير واحترام --