زعلانة,, ودمها,, خفيف
 

زعلانه,, ودمها,, خفيف
مويضي البرازية كانت امرأة,, استثنائية,, هي التي فرضت على المجتمع المثل الشهير رجاجيل مويضي هنا,, نلمحها وهي غاضبة وخارجة من البيت لا تلوي على شيء,,
ومع ذلك دمها خفيف نلمح ذلك في ضحكة البيت الأخير,, من هذه,, العاصفة,,!،
طول الحجب ما عذربن كل,, قبا
يوم,, اللقا ما يركبه قاصر البوع
اقعد ببيتك جعل بيتك يهبا
لعل بيتك بين الابيات مشلوع
عسى الصغيّر,, بيننا ما يربى
عساه ما يلعب على فرخ جربوع

مويضي البرازية]

لاهنت اخوي صلبوخ على المشاركه وبزيدك بعد مشاركه عن موضي البرازيه

وهذه قصة طريفة جرت بين الشاعرة موضي وأختها بنّا وكانت شاعرة أيضاً ذلك أن بناّ نظمت قصيدة تفتخر فيها بزوجها ,وأنه أفضل من زوج موضي
وأكثر كرماً وشجاعة , فتقول موجهة الخطاب لموضي:

شوقي غلب شوقك على هبة الريح … ومحصّلٍ فخر الكرم والشجاعه

ركاب شوقي كل يومً مشاويــح … واذا لفى صكوا عليه الجمــــــاعه

يالبيض شومن للرجال المفاليــح … ولاتقربن راعي الردى والدنــــاعه

فردت عليها اختها موضي قائله:

ما هوب خافيني رجال الشجاعــه … ودي بهم مير المناعير صلفــــين

اريد مـنّـدسٍ بوسط الجماعــــــــــه … يرعى غنمهم والبهم والبعـــارين

وإذا نــزرته راح قلبه رعاعــــــــه … يقول ياهافي الحشا ويش تبغـين

وان قلت له هات الحطب قال طاعه… وعجّل يجيب القدر هو والمواعيـن

لو اضربه مشــتدةٍ في كراعــــــه … ماهوب شانيني ولا الناس داريــن

صلبوخ

الله لايهينك على المشاركه القيمه

ومشكور اخوي البدر على الاضافه الجميله

الله لايهينكم

ماقصرت اخوي البدرومشكورعلى الاضافه
لكنها ذيبانه هالبرازيه تبي زوج تلعب عليه
وتمشيه على رايها0والا المناعير ماتبيهم00

اخوي السيار ياجعل عمرك طويل
وبيض الله وجهك 0000

صلبوخ بيض الله وجهك على هالموضوع الرائع والقصائد الجميله واظن موضي البرازيه سهليه

تسلم يمينك على الموضوع


الشكر لك على الاضافه يالبدر

صلبوخ

الله لا يهينك على هالموضوع الرائع اخوي وتسلم اياديك عليه

الف شكر للبدر على الاضافه الجميله

تقبلوا تحيات اخوكم بن جراح

اخواني الشامل وابن جراح
مروركم شرف لي 00
ودمتم بخير

رد : زعلانة,, ودمها,, خفيف
 

[size=7][align=center]رحم الله مويضي البرازية وشكرا لكم [/align][/size]