قصيدة المقناص ...ولا تنسى تجدد جوازك
 

المنقاص كغيره من الهوايات ولكنه من أمتعها وأكثرها فائدة للإنسان
وأنا أحب الصيد وأعشقه ولي صحبة طيبة يحبون المقانيص وعاداتنا متقاربة
وقد هاضة قريحتي بهذه القصيدة .

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وجدي على ربع قروم مشاكيل=في خوة للصيد نبعد مداها
ما نسرق الخوه ولا نعلن الميل =قدهي علن ما عاد يخفى نباها
بعد المدى مقياس مع خوة سهيل =اتهيب اللي ما تعدى حماها
الجيب جاهز والحطب والمعاميل =والبندقيه والمه في خباها
والماء توانك والخباري بعد سيل =ديرة قفر ما كل حي وطاها
لا جاء الضحى وسط الشعابه هواذيل =-ذا نفج الصيده وهذا رماها
والي رقى ضلع صعيب المحاويل=مثل الكوماندز فايق مستواها
ولا جاء الظهر جوك النشامى مقابيل =وكل يدينه من فعوله ملاها
وجوا في اشجرات من ورقهن محاميل =في نابي خضر الرياض اعتلاها
والشغل دغه ما تزيد المكاييل =نفعة خويهم داربين علاها
ولا جاء العصر جات السحايب هماليل =وصبت على قيزانها السود ماها
والليل سمره مع مزوح اوتعاليل =وصكوا على نار يقدي سناها
واليا أذن المذن وقال التهاليل =لاهم معه في وقفة اعدلاها
وليا اسمحوا والصيد معهم تشاكيل =عادوا وما حاشت يديهم عطاها [/poem]


وهذه القصيده لها معنى كبير واللي بيقول معكم أو حطولي مكان معكم يولم الجواز
تقبلوا تحياتي وارجو ان تحوز على إعجابكم

صح لسانك يا أبا عمر

صح لسانك يا ابو عمر

ومن منا ما يحب المقانيص يا خوي

بس الشكوى لله العين بصيره واليد قصيره عموما الجواز والم وكل شي والم

لكن مااااااااااااااافيه اجازات الله يخلف

تسلم والله على هالقصيده الجزله وبيض الله وجهك

تقبل تحيات اخوك بن جراح

تسلم يمينك يابو عمر


ولاهنت على القصيده الرائعه و صح لسانك ملايين والجواز تراه والم بس حدد الاتجاه واللي بيخاويك واجد كل الربع يبون المقناص

طويق : صح بدنك ومشكور على المرور

بن جراح : مشكور على المرور وتراك معنا والإجازه إزهلها نجيبها لك .


البدر : مشكور على المشاركة وتثبيت الموضوع وإحزم فراشك



تقبلوا تحياتي

صح لسانك يابو عمر

مليوووووون

والمقناص من الهوايات الجميله اللي نفخربها والخوه مع اللي مثلك وشرواك هي الغايه

لكن ماتجي على الكيف وكانك رحت للديره اللي انا خابر انتبه من وحوش الأدغال يافتى الأدغال:D

ولاهنت

والله يحفظك

[ALIGN=CENTER]صح الله لسااااااااااااانك دبل دبل ملياااااااااار

على هذي القصيده الشامخه يابو عمر

انشهد خوووتك تسوى لهااا ملاايييين



تقبل فااائق ودي وتقديري[/ALIGN]

بن شطيط

سمارت


أشكركم على المرور وتشريف المشاركة ............وتراني كتبتكم في اللست نيم:)

تسلم يابو عمر على هذه الرائعة

وخوتك تنشرى والله لكن حدد الجهه وتراني والم والجواز مايبله ساعه

انتبه لا تروح ماعلمتني هم ازين فيك قصيده رد على بيتكالي تقول فيه

( ما نسـرق الخـوه ولا نعلـن الميـل @@ قدهي علـن مـا عـاد يخفـى نباهـا )

وتقبل خالص تحياتي

السيف


ومن قال سالم .......... وحنا كم عندنا السيف .......انت في المقدمة




لك تحياتي

صح لسان ابو عمر ويبشر بالخوه ان شاء الله تعالى




ما نسـرق الخـوه ولا نعلـن الميـل قدهي علـن مـا عـاد يخفـى نباهـا


مشينا يابو عمر والجواز جاهز


حدد لنا الموعد عساها تساهيل )()()()()()( نبغى نزور الزايره في حماها

:D:D

هلا بك يا ابو ظافر .

حدد لنا الموعد عساها تساهيل )()()()()()( نبغى نزور الزايره في حماها


على كيفك لا بغيت قلي والرحله قد تكون بعد رمضان القادم في إجازة الربيع بإذن الله .


يعني يمديك تجهز

ابو عمر
صـــــــــــــــــــــح لسانك وبيض الله وجهك
والجواز جاهز بس عطني خبر بوقت المقناص (هههه) وابشر با الخوي
اجي من الخرمـــــــــــــــــــه

تقبل تحياتـــــي اخوك:ذيبــــــــان

صح بدنك يا ذيبان على اسمك


خوتك تشرى طال عمرك

والوعد عطلة الربيع

صح لسانك يابوعمر
صح لسااااااااااااااااااااااااانك

ياحبني للطيبين وللبر

أبدور لي واسطة .. تدخلني معكم

صح بدنك

ولا عليك زود.............

وأنت بدون واسطه في المقدمة .



اشكرك على المرور

صح السانك اخوووي ابو عمر على القصيده الجزله

بالفعل قصيده رايعه وياكثر اللي بخاونك واناااااولهم

والجواز موجود وجاهز بس تعرف احد يطلعني من المنفذ تراني عسكري ولا عندي اجازه :D

الله لايهينك اخوي على القصيده الجزله ويعطيك الف عافيه

تحياااااااااتي لك

هلا بك يا لمزاح وصح بدنك .


الله يحييك ويحييهم ولا نشرنا الرحله ألا نبي خوة الطيبين .


بعد رمضان خذ اجازتك وتطلع بدون واسطة وإن لزمت الواسطة ابشر بعزك .



ولك شكري على المرور

ليس من المستحيل ان تكون هناك رحله **** لكن المستحيل أني ما اروح معكم




مشعاب

صح لسانك مليون جزله من جزل ..

واذاا بتروحوون مرروني :) تراني اردلي نفسن ماتنرد :)

لاهنت يالقرم ..


اخوك . مذكر

صح لسانك ابوعمر

بصراحه روعه الله لا يهينك

وأعذرني على التقصير في المشاركات





أخوك / زل الطرب

[COLOR=blue][ALIGN=CENTER]صح لسانك يابو عمر
وابد لابغيت تروح انت تامر وحنا جاهزين[/ALIGN][/COLOR]

مشعاب

مذكر العويد

زل الطرب

اخو شما


اشكركم على المرور والمشاركة والتشجيع على هذه الرحله .


وأتمنى من كل قلبي خوتكم لعلنا نكسب قليلاً من صفاتكم الحميده .

رد : قصيدة المقناص ...ولا تنسى تجدد جوازك
 

[size=6][align=center]تسلم يابو عمر على هذه الرائعة

وخوتك تنشرى والله

تقبل تحياتي[/align][/size]

رد : قصيدة المقناص ...ولا تنسى تجدد جوازك
 

[align=center][size=5]أخي العـزيز ابو عمر صح لسانك يالغالي وخوة مثلك
وشــرواك أنا أشهد أنها تنشري بالذهب دين وكرم
وشجـــاعة وكل علومك تبيض الله ونفتخر بها عسى
عمرك طويل أنت واللي مثلك أسجل إعجابي وتقبل
تحياتي وتقديري أخوك الحميدي أبن بلعووووووس[/size][/align]

رد : قصيدة المقناص ...ولا تنسى تجدد جوازك
 

[QUOTE=عقيد القوم;79845][size=6][align=center]تسلم يابو عمر على هذه الرائعة

وخوتك تنشرى والله

تقبل تحياتي[/align][/size][/QUOTE]
[align=center][size=5][color=#4B0082]الله يرحم شيبانك ياعقيد القوم
الرياجيل راحوا للمقناص ورجعوا وأنا وأنت رقود:D
المقناص الجاي إن شاء الله
بس حلوه تصلح في الأرشيف ياكونينل [/color][/size] [/align]

رد : قصيدة المقناص ...ولا تنسى تجدد جوازك
 

عقيد القوم

والحميدي


ابو بندر


شكرا لمروركم وبالطبع هذه اول قصيده تسجل بالمنتدى يوم تأسيسة ولها ذكريات خاصة .


والحمد لله جاء بعدها مقانيص واجد وتحقت الأمنية



لكن إن شاء الله المقناص القادم لتنزانيا




شكرا لك يا عقيد القوم مرة آخرى على رفع الموضوع لأن له ذكريات خاصة

رد : قصيدة المقناص ...ولا تنسى تجدد جوازك
 

[color=#000000][font=Arial][size=4][align=center]صح الله لسااااااااااااانك دبل دبل ملياااااااااار

على هذي القصيده الشامخه يابو عمر[/align][/size][/font][/color]

رد : قصيدة المقناص ...ولا تنسى تجدد جوازك
 

صح بدنك يا فتى العزة



مرورك على الموضوع زاده اشراقاً




لك اطيب تحية

رد : قصيدة المقناص ...ولا تنسى تجدد جوازك
 

[align=center]صح لسانك



قصيده جزله من رجل ٍ جزل



الله درك ولاهنت على الابداع طال عمرك [/align]

رد : قصيدة المقناص ...ولا تنسى تجدد جوازك
 

[size=4][align=center]صح تفكيرك واثمر ابداعك وعبر لسانك التعبير الجميل[/align][/size]

رد : قصيدة المقناص ...ولا تنسى تجدد جوازك
 

[color=#006600][size=5][align=center]رائعه يا بو عمر

صح السانك طال عمرك

سجل اعجابي وتقبل تحياتي[/align][/size][/color]