أين سبيع بالاحساء

[الحساس]

نعم أين سبيع بالاحساء انا من الطريف سبيعي ولا لقيت من يعتز بسبيع بالاحساء غيري اتمنى
القاهم ومن دواعي سروري القاهم وهاذا الكلام من قلبي


















أخوكم.معتزالطريف السبيعي

[محمد بن سلطان]

اخي الفاضل سبعان الاحساء معروفين .. منهم أسرة "الجبر" وأسرة "آل براك" وغيرهم من الاسر السبيعيه في

الاحساء .. وهم يفتخرون بقبيلتهم ومنهم من يكتب باسم القبيله الصريح .. والاحساء حاليا بها سبعان من السوده والصمله

والروبه وغيرهم ويكتبون باسم قبيلتهم الصريح ..

هذا والله اعلم ..

اخوك
محمد بن سلطان الثوري

[الحساس]

شكرا أخوي محمد بن سلطان ولاهنت مقصدي مايفخرون بسبيع ولافي تعاون بينهم ومره ثانيه اجدد شكري لك

[سبيعي وأفتخر]

السلام عليكم ورحمة الله وبركاته


إنها أولى مشاركاتي برغم أنني سجلت من قبل

مايقارب 4 أشهر ولكنني فقدت كلمة مروري وعادت لي بحمد الله

أخي حساس طرحك قوي جدااً وسؤالك لم يجد إجابه وافيه

فأنا سبيعي من سبعان الأحساء ((صندلي))

لكن لم أجد مايثبت ذلك ولم أرى أحداً يهتم بهذا الموضوع ..

وسلامي لكم جميعاًً ولكنني أرجو منكم ومن الأخ أبوعمر التوضيح


فأنا بحاجة التوضيح.،.

لكم جزيل الشكر

[سـعد]

حياك الله أخوي معتز ....
والطرّيف معروفين إنهم من عنيزة ، ولذلك يُذكرون بأنهم من أهل عنيزة ويتجاهلون الطريف المتواجدين بغير عنيزة .........
أما سبعان الحسا أتوقع انهم كثيرين وهذا اللي مستغربه و لايذكرون اللقب لأنهم من الحاضرة ،،،
ما أدري ليش يتركزون بالحسا بالذات مهوب المنطقة الشرقية الدمام والخبر والضهران ...
هل الأحساء ديار مرعى وإلا زراعة وإلا تجارة ؟؟؟

[الحساس]

تحياتي اخوي سبيعي وافتخر وتسلم على المشاركه

[محمد بن سلطان]

اخي الفاضل الاحساء منطقة تجاره .. ويكثر فيها الناس ربما لانها قريبة من دول الخليج .. اعني الى حدود دول الخليج لسهولة الخروج والدخول .. وكذلك لانها فيها جامعات جيده .. واللي اعرفه ان الكثير من شباب رنيه قد قدموا الى الاحساء لاكمال دراستهم الجامعيه .. وهناك مناطق في الاحساء معروف سكانها من سبيع .. الاحساء فيها روبه وصمله ومكاحله وغيرهم الكثير من ابناء العمومه اضافة الى عوائل الاحساء القيدمه المعروفه مثل البراك والجبر وغيرها ..

هذا والله اعلم ..

اخوكم
محمد بن سلطان الثوري

[المفالحه]

اخوي الغالي الحساس الف شكر على موضوعك الذي يدل على غيرتك تجاه قبيلتك

الشي الثاني الكثير والكثير من السبعان في مدينة الحساء

اقصد الذين يكتبون السبيعي ويفتخرون به

ويسكنون في احياء محاسن ارامكو ومحاسن الحكومه (( بكثره )) والسلمانيه والصهيد واسكان الحرس الوطني

وهم كثيرون كثيرون

اما ان كان سؤالك ان في سبعان متحضره ولاتكتب سبيعي ولا يفتخرون

نعم انا معك في هذي

وكما في ناس لا يكتبون ويفتخرون بسبيعي

يوجد آخرين يفتخرون ويكتبون السبيعي

ويوجد آخرين يفتخرون ولكن في بطاقة الأحوال لايكتبون سبيعي

احد الأخوان سئل وقال السبعان وش عندهم في الحساء الي تحضور

اخوي السبعان المتحضرين في الاحساء اتو الى الاحساء من زمن قديم ايام الجوع

لان كان في الحساء التمر والخير

وسكنو فيها !

اما حاليا فالكثير من السبعان المتحضرين مرتبطين بعمالهم !

وخاصه شركة ارامكو لزيت !

واعذروني اخواني على الأخطاء الاملائيه

تقبل اصدق تحياتي

[سموالقلب]

شكرا اخي الحساس على هذا الطرح المبارك ....

انا من مواليد الأحساء وأعيش بمدينة الخبر .. جماعتي موجوده بالشعبة (احد قرى الأحساء) .... ونفتخر حنا الصملة بسبيع ... انت عيال عمنا والنعم فيكم ..

يوجد الكثير من سبيع بمدن وقرى الأحساء ... بالنسبة لنا نحن الصملة جدنا ( راشد )سكن الأحساء بعد ما نزح من رماح بحثا عن لقمة العيش ولم يرجع الى رماح .... الكثير من ابناء عمنا يحملون لقب القبيلة بالأضافة الى الفخذ ببطاقة الأحوال المدنية ... مع احتفاظ عدد منهم بأسم العائلة وهو (الرويشد) نسبة الى الجد راشد.

ودمتم في رعاية الله

[المفالحه]

سمو القلب صدقت بماقلت

واعرف عائلة الرويشد واحد من جماعتنا مناسبهم

تقبل اصدق تحياتي

[المفالحه]

اخوي سمو القلب صدقت بما قلت

واحد من جماعتنا مناسب عائلة الرويشد الي تكلمت عنهم !

تقبل اصدق تحياتي

[الكوكب السيار]

الحقيقه ان الحسا هذي غريبه
بصراحه وجدت فيها ناس اختفوا من الوديان ولقينا لهم باقيا في الاحساء فهناك عوائل كثيرة من الوزران في الحساء والروبه

[عاشق الحجيف]

هلا اخوي الحساس من قال هالكلام ان سبعان الاحساء ما يفتخرون باصلهم كثير هنا يفخرون بالقبيله وانا اولهم

انا من سكان الاحساء انا سبيعي وفخذي ثوري من الخرمه وساكن في الاحساء منذ مبطي والاحساء فيها سبعان كثير

منهم الثوريه والمكاحله والصنادله والروربه والمفالحه والقريشات الصمله كثير وبينهم تعاون من قال ما يتعاونون

حبيت ابين لك وتحياتي لك يا الحساس

تحياتي لك عاشق الحجيف

[الحساس]

أول شي آسف على تأخيري عنكم فالرد وهذا لضروفي الصحيه
وأشكركم على تعاونكم والرد والمشاركه والاهتمام بي شخصيآ وأشكركم فردا فردا





تقبلوا تحياتي لكم
أخوكم الفاضل/الحساس

[مشاري القريشات]

لاهانك الله يا أخوي وابقاك بعز وفخر


الا افخر وافخر ’’’( وبالتحديد من مدينة العيون)



مشاري بن فوّاز الفارس القريشات السبيعي


/ /


بس انا عندي سؤال ليش كاتبين الفارس من العرينات / وهم من القريشات

خصوصا بالاحسا/ العيون

[السبيعي الرويبي]

السلام عليكم ورحمة الله وبركاته

اخي الفاضل حساس انا سبيعي من اهل رنيه وساكن في الاحساء وافتخر اني سبيعي في البطاقه مكتوب السبيعي

والعوأل الي في الاحساء مثل ال براك هم سبعان الاصل ويفتخرون انهم سبعان والسبعان تلقاهم في حي محاسن وكثير بعد وعلى قلب واحد

تقبل تحياتي
اخووك/مفلح بسيس مترك السبيعي

[أبن الجبور]

السلام عليكم ورحمة الله وبركاته

اخواني كثر الكلام عن سبعان الاحساء ....واختلطت الامور علينا!!

انا اطلب من احد النسابه المعروفين التكفل بهذه القضيه لانها مهمه جدا لمعرفت ربعنا ومعرفة المنتسبين

زور اوجهل ؟؟ ويستعين بااحد سبعان الاحساء الثقات اهل الدين ! حتى نقطع الطريق على المغرضين!!

وعدم الخوف من حسا سية الموضوع اذا نوقش بطريقه لاتجرح الغير وهذا المأمول منكم اخواني ..

واما السبعان سكانت سكن الحرس الوطني فلايدخلون في البحث لانهم ليسوا اهل منطقه بل يعملون فيها فقط !

اتمنى ان يكون هناك حسم للموضوع بشواهد قويه وبلغة عقل

وحتى يزول علينا الحرج من سؤل يتكرر من ابناء القبائل الاخرى عن عوائل
يقلون انهم سبعان ولا نجد رد غير الله اعلم وهذا محرج ! فكيف نجهل ربعنا ؟

والسلام عليكم ورحمة الله وبركاته

[الحساس]

شكرآ أخوي ابن الجبور معنا كلامك انك انا مش سبيعي ولكن اذا في كثير تدعي زور او كذب الله ألي بيحاسب أتمنى
تثمن كلامك ولوسمحت تدقق في كلامك أخوك الحساس

[أبن الجبور]

شكرآ أخوي ابن الجبور معنا كلامك انك انا مش سبيعي ولكن اذا في كثير تدعي زور او كذب الله ألي بيحاسب أتمنى
تثمن كلامك ولوسمحت تدقق في كلامك أخوك الحساس



لاحول والاقوة الا بالله العظيم

يااخي انا ماشككت فيك يوم تقول مش وما مش ابك كيف مش؟؟؟

انا لا اعرفك حتى اشكك فيك انا شفت في موضوعك مناسبه اطرح اقتراحي يابن الحلال !!!!!!!

وانت لايدخل الشك في نفسك اذا كنت تنتمي لسبيع مافيه احد يقدر يطلعك منها !

وانتم يااهل الاحساء اكثر ناس تطرحون مواضيع عن انتسابكم لسبيع ولاتتحملون النقاش ؟؟؟

والدليل انك هاجمتني وانا ماني يمك ...اصلا !!

وطريقتكم السائده هنا في النقاش تلزم النسابه وباالحاح انهم يفصلون في الموضوع !

وهذا ماتمناه ..واعتقد طلبي هذا منصف للقبيله ولايوجع الا الداخل غشآ فيها !

وانصحك البعد عن التشنج ..واحسان الظن بالاخرين حتى يحسنون الظن بك .......

والسلام عليكم ورحمة الله وبركاته