الشاعر : فاهد بن فهيد الفراعنة يرثي الشيخ سعد بن عبيد الشماسات يرحمه الله

[قوي العزايم]

قصيدة رثاء في ذكرى المرحوم الشيخ/ سعد بن عبيد بن دحيان السبيعي
توفي يوم الإثنين الموافق 11/8/1427هـ في الصين ودفن في المنطقة الشرقية في 13/8/1427هـ وقد خلف سبعة من الأبناء نسأل الله ان يبارك فيهم وعلى رأسهم الدكتور عبيد

هلت دموعي يوم جاني خبر شين= خبرني اللي مادرى بالضغينه
ياعين هلي صافي الدمع ياعين=لا تذخرين الدمع لا تذخرينه
على رفيق مات في يوم الإثنين=ويوم الربوع بمسكنه دافنينه
مرحوم ياللي مات في دولة الصين= وجوبه على طيارة حاملينه
راح الرفيق اللي لنا جنابه زين= ومن الصخى والجود تبذل يمينه
راح الرفيق اللي يصد المعادين=وليا بدا اللا زم ضلوعه متينه
وراح الرفيق اللي على العسر واللين= وسموا سبيع كلهم فاقدينه
ما مات من خلف عيال سلاطين=عبيدوإخوانه حصون حصينه
الله يجـــبر خلكم يالدحاوين=في واحد نزل شراع السفينه
راضين بامر مدبر الكون راضين=الامر لله والقدر قابلينه
يالله ياقابل صلاة المصلين=عساه في جنات عدن الثمينه
عساه جار للرسل والنبيين= وياربنا تنزل عليه السكينه

فاهد ين فهيد ين مضحي الفريعني السبيعي

[أبو يزيد]

رحم الله الشيخ سعد بن عبيد بن دحيان
واسكنه فسيح جناته.
صح لسانك يافاهد وبيض الله وجهك
قصيده جزله ومعبره من راس جزل
لاهنت,,,

[سعد المحمدي]

الله يرحمه ويحسن اليه ويرزق من بعده بالصبر والصلاح

[مخايل الغربي]

بسم الله الرحمن الرحيم
الاخ قوي العزايم كل عام وانت بخير ورحم الله سعد بن عبيد واسكنه فسيح جنته وصح لسان فاهد بن فهيد وانت سالم والسلام

[قائد الطائره]

الله يرحمه ويغمد روحه الجنه ويعوض أهله خير

[الحميدي السويدي]

رحم الله الشيخ سعد بن عبيد بن دحيــان
واسكنه فسيح جناته.وعسى بركته في
من بعده وصح لسانك يافاهد وبيض الله
وجهك أخوك الحميدي سعد أبن بلعوس

[خالد الشماسي]

بيض الله وجه الشاعر : فاهد ين فهيد ين مضحي الفريعني السبيعي على هذه الرثائية المؤثرة


وأنشهد انه صدق فأبو عبيد فقيدة علينا فقد كان له مواقف مشرفة نفخر بها جميعاً



نسأل الله العظيم و بوجهه الكريم أن يتجاوز عنه ويرفعه في عليين ويجعلنا من بعده خير خلف لخير سلف.



وجزاك الله خير يا قوي العزائم على نشر هذه القصيدة وشكراً لجميع المشاركين في هذا الموضوع نيابة عنك



وإنا لله وإنا اليه راجعون

[ماضي المديري]

رحم الله الشيخ سعد بن عبيد بن دحيان
واسكنه فسيح جناته.
صح لسانك يافاهد وبيض الله وجهك
قصيده جزله ومعبره من راس جزل
لاهنت,,,

[عاشق الفيحاء]

الله يرحم الشيخ سعد بن عبيد وبيض الله وجهك يا شاعر أسبيع فاهد الفراعنة

مثل ماقال البيت الفلاني

الديرة اللي مابها مثل شروك *** اكتب على عالي سماها خسارة

^&amp§¤°^°§°^°¤§&amp^عــــــاشـــــــــق الفـــــــــــــــيحــــــــــــــاء^&amp§¤°^°§°^°¤§&amp^

[رنية غير]

بيض الله وجه الشاعر ووجه قوي العزايم ,,,,,, وجزاكم الله خير لكل من علق على القصيده
ونيابه عن الدحاوين الله لايوريكم مكروه ويرحم شايبنا ابو عبيد