خلي طواني طوي وأزريت لأصلـه

[مبارك مقين]

خلي طواني طوي وأزريت لأصلـه=وأنا طويته مثل مطويـت الجالـي
لشفت خصرن نحيل ورك من تله=غديت ورعن سفيه بثوب رجالي
أهيف حشا كن وسطه ضامر الدله=ياحقورسلانة ًتفْهق عن الصالـي
وحالي اللي حلا زين الحـلا حلـه=تحلحل الحال كله ونبـرى حالـي
عزالله أنه شلع قلـب العنـا كلـه=لاسلهم برمش سوده شينت فالـي
عقشاً هدبها يجوز أتنام في ظلـه=ماله مع الناس شكْل أول ولا تالـي
البيض لاجت من الهملول منهلـه=من نو ليلاً أبروقه تشعل اشْعالـي
مثـل الثنايـا وراء حُمراُمجارلـه=فـي خدها نعنبوها حبـة الخـالـي
أن جابـه الحـظ والا ماتهـاولـه=أبضربـه بالعصاوأحـداه لامالـي
أن فائدضرب العصاوإلاأبيض السله=وأن مانفع ياسباريت الخلاالخالـي
أخذيه ماعادلـه مذهـب ولاملـه=أبنطل عمامتـي و اتقلـد أعقالـي
وأعود أسحب عصاي أنْبين الذلـة=كسر الخواطر تعرفه بين الأزوالي

[خيَّال الغلباء]

أخي الكريم الشاعر / مبارك مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا وبيض الله وجهك على هالقصيدة الجميلة المعبرة والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[شاعر المعنى]

صح لسانك يامبارك والله يعطيك العافية

[ابو راجس]

بيض الله وجهك وصح لسانك

[مبارك مقين]

صــــــــــــح بدنكم اخواني خيال الغلباء و شاعر المعنى و ابو راجس

وتسلمون على مروركم الغالي علي

وبيض الله وجيهكم

[((ابوحمود))]

صح لسانك يبن مقين
عادتك الجزله

كل عام وانت بألف خير

اخوك فراج الزعيري

[مبارك مقين]

صح بدنك ابوحمود


وكل سنه وانت بخير وصحةوسلامه


ومشكور على المرور والتعليق يالزعـــــيري

[11 السبيعي 11]

انت ارقد في ظلال الرمش بس انتبه تلحقك الشمس هم تنبطح عند ذعار هم يجيب سكروبه
لاكن القصيد ماعليه طيبه