حفظ الله بلادنا وولاة امرنا من كل مكروه
استطالـو يابعـد عمـري كثيـر
وافزعوك وكـدرو صفـوك مـرار
تبـت ايديهـم عديميـن الضميـر
حاولو تشويـه حسنـك بأنفجـار
حسبي الله فيهـم ونعـم النصيـر
التوافـه , الصعاليـك , الصغـار
من حقير الى حقيـر الـى حقيـر
من شرار الى شـرار الـى شـرار
جعلهم للنار مـع بئـس المصيـر
مـن نوولـك يالعزيـزه بالدمـار
:
لا تخافي
لا تخافي
لاتخافـي والله إنـك بألـف خيـر
لاتخافـي دونـك رجـالٍ حــرار
كل مدينه , كل قريـه , كـل بيـر
كل بلده , كـل حـاره , كـل دار
من رضيع الشعب للشيـخ الكبيـر
معلنين الك الوفـاء سـر وجهـار
دامنا حولـك فـلا يلحقـك ضيـر
والله انك من عمـار الـى عمـار
في يمينـك كلنـا سيـفٍ شطيـر
نقطع ايدين البغي وضـح النهـار
نرخص الروح العزيـزه مانشيـر
نحتميك ولو عليـك الوقـت جـار
اي نعم حنـا علـى ترابـك نغيـر
ولعنبو من لا علـى خديـك غـار
انتي قولي وش تبين انه يصيـر؟
ومن قبل لاتنطقين انقول ( صااااار)
يالعزيـزه جيتـك بنفـح العبيـر
جبت قولٍ فـي رسالـه وافتخـار
قول ربعٍ جيت انـا منهـم سفيـر
ربعـي الغلبـا .. متيهـة البكـار
عارفتنـا فالمواقـف دوووم غيـر
والولاء منـا خـذا رمـز وشعـار
كلبونـا فـدوة تـرابـك نصـيـر
حاجتينٍ ياشهاده .. يـا انتصـار
ودام فينـا واحـد برجلـه يسيـر
ارقصي ودقي بلحـن العـز طـار
ودام باقـي بنسلنـا طفـلٍ غريـر
لاتخافـي يابعـد كــل الـديـار
طفلنـا انرضعـه منهـو صغيـر
بالوفاء حتـى يجيلـك ابـن بـار
ايه انتي يااحلى من مـاي الغديـر
يامنـار الكـون ولقلبـي مـنـار
لاتخـافـي وبلغيـهـم بالنـذيـر
هالتوافـه الصعاليـك الصـغـار
بلغيهـم بالنـهـار المستطـيـر
بلغيـهـم جملتـيـنٍ بأختـصـار
(النمل اذا طلع لـه ريـش طيـر)
(ذي رسالة له بقـرب الاحتضار)
للشاعر الكبير :
غير متصل
قصيده للشاعر تركي السبيعي
