أخي الكريم / ابن جروه السلام عليكم ورحمة الله وبركاته وبعد : شكرا جزيلا لك على نشر اّخر قصيدة للشاعر الكبير / شباب بن باتل رحمه الله وأسكنه فسيح جناته والتي قالها بمناسبة زيارة قبيلة الصملة أهل الخرمة لقبيلة عجمان الرخم أهل الضبيعة والله يعافيك ويبارك فيك ويجزاك خيرا ويبيض وجهك عند مولاك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .
جينا على اللي يبعدن المشاويـر
= يـوم أنتحـن قلوبنـا وأنتحنـا
تطلقن من دار صامـل محاديـر
= ولدار عجمـان الرخـم وجهنـا
عدن جبال طويق من دون تاخير
= من دار أهلنا حلـن بـدار أهلنـا
ما عقب مندوب الحريصي معاذير
= مـن دونـه الاعـذار ماياسعنـا
دعوة معزبنـا فـدوه المعاثيـر
= راع الوفاء والبيض له ينشرنـا
فهيد مثل طويـق والا شمنصيـر
= اللي على روس الرواسي زمنـا
لـزم علينـا فالعزيمـة بتكريـر
= مواقف أهل الطيب مـا يجحدنـا
وجينا لربع غنيم زبن المخاسيـر
= الشيخ سعد اللـي لـداره تعنـا
نسل الشيوخ مهدمين الطوابيـر
= أهـل سيـوفٍ بالمعـارك تحنـا
ربـعٍ زيارتهـم محبـه وتقديـر
= حنا عضو منهم وهم عضو منـا
ساعة وصلنا للوجيه المسافيـر
= وكمالـة الترحيـب عـودٍ وبنـا