الكوـــــــــــــــــــــــــــــــــع

عبدالله الاكلبي · غير متصل

اخواني اخواتي الكرام هذه قصيدة التابع والمتبوع

اول مشاركه في صرح الغلباء

امل ان تنال اعجابكم

انا البارحه نومي قضيته على كوعي = اسامر نجومٍ بالسما واتخيلها
استقبل اضيوفنٍ وردها افراد وجموعي =وتقلط بصدرٍ بالحفاوه يعاملها
توارد بجاشٍ لايعه فالزمن لوعي= مثل بطح شعلٍ شاعها اللي يهوبلها
ولاون ماهلت من الزفره ادموعي= لانقز مثل بنن صالي النار شاعلها
ونا لست عطشانٍ ولاحدني جوعي = بلايه علومٍ تتعب اللي يحللها
نصٍ محوره مدفون في راس مرفوعي =وقنوات بقعا كل لليلٍ تناقلها
وفقراتها تفتح ثمانون مشروعي=وكلٍ من الفقرات جاهز مراسلها
وكلٍ تطرقله مهمه وموضوعي =ابو زيد يرفعها وعنتر ينزلها
وهم روس قومٍ قولهم شبه مسموعي =لاصارو عباره بين قوسين عللها
ياشاطر بلشنا بين تابع ومتبوعي = حسابات فكرك تبتلش في معادلها
يا نايم على الديباج قلي متى توعي =الايام حمل والعبارات تولها
ما تقنع ولاترضا بتقرير مطبوعي =وصعب التوافق في لمور ومجادلها
لاتجرح شعوري لين اخاطبك من طوعي = اسمع كلمة العاقل ومرر مهولها
ترا زلة العاقل لها اثار ووجوعي = وزنها ثقيل ونادر اللي يتقبلها
لو يشد خيط المسبحه جاك مقطوعي =تنثر خرزها بين قابض ونا تلها
لاكن حكمة العاقل تبي صبر وجزوعي =يعدل توالي كل عوجاء مع اولها
مصيبه لو اشفع ماحدٍ يقبل اشفوعي = مادام ان عاقلها مغرر بجاهلها
ولارسال ماله حل مادام مقطوعي= عطال الكباين من محول كيابلها
و ساعات الزمن من ثقلها كنها اسبوعي =وعسى الله يعين اللي همومه تحملها
هذي قصة اللي نوم لليله على الكوعي =يسامر نجومٍ بالسماء ويتخيلها