البيرق اللي ماعطوك اياه جعله للزوال

[حمد المليحي]

بسم الله الرحمن الرحيم

أخواني أعضاء منتدى سبيع الأعزاء ..
السلام عليكم ورحمة الله وبركاته
هذي أول مشاركة لي معكم في هالمنتدى اللي أتمنى من الله انها تحوز على رضاكم ..
هذي كم بيت كتبتها لأبو فارس عقب مسرحية شاعر المليون اللي البارح .. وحنا لو بنتكلم ونكتب للصبح ماحنا خالصين .. لكنها في خاطري وقلتها ..

البيرق اللي ماعطوك اياه جعله للزوال
والجايزة مافيه غيرك يستحق ينولها

كسبت جمهورً رقابك فوق بطوال الجبال
وكشفت تزوير النتايج يومهم فرحولها

وضربتهم بالضربة اللي توجع زحول الرجال
في قامةً شعريةً تعبو ولا وصلو لها

فان كانهم يبغون مال حنا لنا بيوتً جزال
ماتهمنا فلوس دنياً كلهم ركضولها

ناصر ولد فارس عريب الجد من عمً وخال
من لابةً يوم اللقا كلن يشوف فعولها

ربعي سبيع اللي لهم اسمً على روس الطوال
فان كان نبغاها فخر نقولها ونطولها

ناصر ليا غنى الشعر كل العرب بتقول قال
ولامن ترك له كلمتن تركع تبيه يقولها

رسّخ قصيده في عقول الناس شيبان وعيال
وقصايده مثل المطر نجدب نبي هملولها

ماهو بحاجة بيرقً شهادته كذب وخيال
والكل يدري وشهي القصة ووش مدلولها

نبقى وويبقى عزنا حتى ولو الحظ مال
وانشهد انها تكلفة عطيت لغير فحولها

وسلامتكم ..

[مدهــــال]

صح لساااااااااانك وجزله من شاعر جزل

[خيَّال الغلباء]

أخي الكريم الشاعر / حمد المليحي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه الأبيات في أخينا شاعرالثقلين والوطن الكبير المجدد / ناصر بن محمد الفراعنة السبيعي حفظه الله ووفقه مع أطيب الأمنيات واسلم وسلم وسلم والسلام .

[حمد المليحي]

المشاركة الأصلية كتبت بواسطة مدهــــال

صح لساااااااااانك وجزله من شاعر جزل

صح بدنك
وتشرفت بمرورك الكريم ..

شكرا لك

[أحمد السبيعي]

صح لسانك ياحمد

وايوفارس يستاهل من يقف معه

شكراً على القصيدة

[حمد المليحي]

المشاركة الأصلية كتبت بواسطة خيال الغلباء

أخي الكريم الشاعر / حمد المليحي السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه الأبيات في أخينا شاعرالثقلين والوطن الكبير المجدد / ناصر بن محمد الفراعنة السبيعي حفظه الله ووفقه مع أطيب الأمنيات واسلم وسلم وسلم والسلام .

وعليكم السلام ورحمة الله وبركاته

صج بدنك أخي العزيز خيال الغلبا

وابو فارس يستاهل أكثر من اللي نسويه كله ..

دمت بود

[تالي الاولين]

صح لسانك ياحمد

وناصر الفراعنة أكبر منهم ومن بيرقهم

[حمد المليحي]

المشاركة الأصلية كتبت بواسطة أحمد السبيعي

صح لسانك ياحمد

وايوفارس يستاهل من يقف معه

شكراً على القصيدة

صح بدنك يا احمد ..

ابو فارس يستاهل اكثر من اللي نقوله كله ..

تشرفت بمرورك الجميل