منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيدة الشاعر ابن هتيل الدوسري في عبدالله بن غريب الفراعنة
بالله يالي تاصلون المعازيب=تحملوا مني لهم برساله
أخذوا كلامي وأنهجوا يامناديب=سلام لباً صافياً من زلاله
أحلى وألذ من حليب الحنازيب=من بعد زملوقاً تمزع خياله
لاجيتو ال سعود يأهل المكاتيب=رفيقكم الأدنى ردوبها له
حكام نجد الي تروي المغاليب=بالفضل لاشال التوهم رجاله
قولولهم مني بلباً وترتيب=لا ياصلون الملتبس في الرساله
الحكم لله والمراجل تواهيب=والله يحب أهل الوفاء والعداله
وترى ابن 000 فيه عيب وشواذيب=ويخرب المنصب ويدمر جماله
الله يلومه عد ماهرول الذيب=ملاماً أقوله ومن جاه قاله
أنا ضيف وأحسب أن المعازيب=مايطردون الضيف بيات حاله
وأثره خسيساً وماضيله تجاريب=ويطرد الضيفان من شين فاله
جعل فدى أبن غريب في المواجيب=وأيضاً بعد خده وقاية نعاله
الي يبش خاطره بالتراحيب=وايضاً بحله للنشاما سباله
وسبيعاً الغلبا ليا جيب ماجيب=كله على شانه ونشر الثناء له
تسمعولي وافهمولي يالواعيب=اما ألعبوا وإلا عطوني وكاله
ياسبيع قوموا قومةٍ تشلع الجيب=وتمحنوه الله يعجل زواله
يادارعبدالله يامال النبانيب=من مدلهم لاوطى الحزم شاله
من خايعاً سيله يشيل العراقيب=يسقي جباله لين تروى سهاله
يسقي شعيب الغرس والفطر الشيب=دار الزكور مكملين كل قاله
هذا وما قاله سعيد التجاريب=سعد الرفيق الي بحاله وماله
بيض الله وجهك أخي الخيال على إيراد هذه القصيدة وأشكرك على سترك للمهجو لأنه لا فائدة من ذكر أسمه ورحم الله ابن غريب الغضياني الفراعنه والفعل الطيب ينومس الجميع.
ترى الرابح اللي من جميع الذنوب إيتوب=يحاسب ضميره قبل مولاه وإحسابه
يخاف الصراط اللي نهاراللقاء منصوب=وكل يشاهد بالنظرويش في إكتابه
هلا فيك اخوي ناصح (ماتحب الا الي يحبك )
شكرآ لك على اضافة هذا البيت الجميل وسوف اضيفه في القصيده.
لاكن لاتعتب علي وانا اخوك وانا لم اسقط حق احد انا مجرد ناقل للقصيده والقصيده موضحه انها في ابن غريب الفراعنه . (الفراعنه ماينقص هذا البيت من حقهم ولا يزيدهم لانهم كفو)
هلا فيك اخوي ناصح (ماتحب الا الي يحبك )
شكرآ لك على اضافة هذا البيت الجميل وسوف اضيفه في القصيده.
لاكن لاتعتب علي وانا اخوك وانا لم اسقط حق احد انا مجرد ناقل للقصيده والقصيده موضحه انها في ابن غريب الفراعنه . (الفراعنه ماينقص هذا البيت من حقهم ولا يزيدهم لانهم كفو)
هذا هو المتوقع أنك لم تسقطه عمداً ولكن الحق أحق أن يتبع وأنتم ما عليكم زؤد وتقبل تحياتي.
ترى الرابح اللي من جميع الذنوب إيتوب=يحاسب ضميره قبل مولاه وإحسابه
يخاف الصراط اللي نهاراللقاء منصوب=وكل يشاهد بالنظرويش في إكتابه
غير متصل
