با أبو عبيد القلب جاء فيه هوجاس
دكت هواجيس الضماير عليه
أنخاك يا درعي ويا طيب الساس
إنك تبصر لي يحل القضيه
العلم بينته لك بكلمة الراس
عطني الجواب وضح العلم ليه
وسلام مني عد ما هب نسناس
على رجال الجود هل الحميه
رد الشاعر / نقاء عبيد نقاء اّل ثفنان
جانا الكلام اللي مسوى من احساس
شكوى خوين يشتكي الخويه
يا مرحبا ترحيب والبال منحاس
راعي الوفاء والجود في كل هيه
أقولها من جد يطيب الساس
وراد القصيده ما تصعب عليه
هضت هجوس القلب من كل هوجاس
وراعي الوفا نعطيه راد التحيه
دكت هجوسي بعد هملج ونعاس
وقامت قوافي الشعر تطري عليه
وبشر بسعدك يا سعد عدم الجناس
ونا ارفيق يا زبون الونيه
باخذ على الطاروق سجه ومرواس
وشكر ولي الكون رب البريه
بافي معك الى بار غادر وبلاس
ودرب الوفاء والجو د حقا عليه
لا هندب الهاجوس دقا الأجراس
أجراس بدع الشعر صبح وعشيه
اجني من المرجان والفضه مع نحاس
وصرف الذهب موجود الصرفيه
وختامها صلو على سيد الناس
وذكر الولي منساه ذكر نبيه
راد الشاعر سعد هذال الغزيلي
سلمت يا ذخري وتفداك الأنجاس
ويفدونك الخبلان والشمس حيه
الله يكثر مثل جنسك مع الناس
يومن تزهلي ما بطي عليه
طيبك نفخربه ونرفعبه الراس
اصدق ولا اكتب كلمه مجامليه
يليت لطيب حدود او ينقاس
تاخذ عليه أنته ميه بل ميه
ولك الثني بكتبه في وسط قرطاس
ويحمله قلبي دامت الروح حيه
ولا تستمع في هرج عاذل وبلاس
أنت النقاء ولك النقاء يا سميه
غير متصل
قصيدة من الشاعر / سعد هذال الغزيلي السبيعي إلى زميله الشاعر/ نقا بن عبيد اّل ثفنان ا
