قصيدة للشاعر / شافي مسلط السبيعي

[ابو مـــــسلط]

مايبعد حزون صدري غير ممشايه=في خايعن زايفن نبته من الربله
ممشن مع فجوج الارض يصفي اجوايه=لاناض برق الربيع ولنتثر وبله
ممشن مع النبت طب القلب ودوايه=يرتاح قلبي من الهاجس ويطربله
هذا هوايه وكلن عنده هوايه=وكلن على رغبته واللي يناسبله
البل وشوفت نبات العشب لي غايه=البل لها في حيات المجتمع قبله
اطرب لها من غلا وارفعلها الرايه=يازين مرباعها في فيضة العبله
معها اتشرف بمسراحي ومضوايه= انا بدوين يحب يسج عند ابله
احب ملحن من الذيدان مشايه=لاشافها راعي البل طيرت شبله
حبن حقيقي ماهو تقليد ودعايه= والحب لطيبه ماهوب للخبله
البل ذكرها الله المعبود في لايه=رب المخاليق لابعده ولاقبله
عساه يغفر خطاي ويقبل دعايه= اليا دعيته وانا متوجه قبله
عمر الفتى لويطول يجيله نهايه=الرابح اللي فعول الخير تكتبله

[حمود الحقي]

عمر الفــتـى لويطـول يجيلـه نهايـه *** الرابـح اللـي فعـول الخيـر تكتبلـه

الله

الله

صح لسانك يابو مسلط

[ابو مـــــسلط]

الله لايهينك يالحقي على مرورك العطر وتقبل تحياتي

[ابومشاري الجهمي]

	اسمح لي ابدي اعجابي بقلمك وتميزك واسلوبك الراقي وتالقك مشكوووووور والله يعطيك الف عافيه وصح لسانك

[ابو مـــــسلط]

شكرا على مرورك العطر والله يعطيك العافيه يابو مشاري وتقبل تحياتي

[قوي العزائم]

صح لسانك على القصيده الرائعه

[مبارك المرغاني]

صح اللسانك أبيات قمة..