منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
يا مرحبا ترحيبة توضي سنا = لاتاه راس اللي يبينا دلته
في وسط رنيه نورها شعشع وانا = شاعر تهز القوم صايب كلمته
في ملتقاكم يا هل رهاف القنا = سيف يقص العظم باتر سلته
شماسات للي رافع راسه فنا = نرخيه حتى يفترش من عمته
انتم هل المثلوثة كبار البنا = هداج ما هز الرواوي جمته
خيالنا لا صاح بالشرفا ثنا = يفرا النحور ولا يترب حربته
يوم المغازي والكلايف والعنا = نحم الديار وغازي البل نسحته
لا خاف راع الذود ينزل عندنا = نحميه لا سود الليالي جلته
ولا نبهت الغافل ليامنه ونا = ولا نقتل المسلم وناخذ هجمته
حنا هل الشيمه وفي الدين عونا = اللي على الدين المطهر ملته
ولا شيخ الا خترش وخترش لنا = ضلع تظلل في الهوايل صلته
والشيخ ماضي ضيفته صارت منى = في كل يوم وليل تندى سفرته
من فعله وشعر قبل وقت الغنى = سموله المثلوثة رجال أمته
وقبل الختوم اللي لها القاب وكنى = وقبل المؤسس يبتدئ بمهمته
عام الف وميتين هجرية بنا = مجد لألآ ثم ربوعه تمته
غير متصل
