يا الله ياللي لـك عبـادك ملبيـن
ياباعثـن خلقـك بيـوم القيامـه
تحفظ لنا درع الوطن قولو اميـن
وتكسيه ثوب العافيـه والسلامـه
مليكنا اللي ينصر الحق والديـن
العادل اللـي يستحـق الزعامـه
ياكبر حبه في قلـوب الملاييـن
واللي لفو بيته وقصـر اليمامـه
ابشر يابو متعب لك الشعب داعين
ويدوم عزك وانت للعـز هامـه
بقلوبنا ساكن وفي داخـل العيـن
والرمش فوقك مثل ضل الغمامـه
غلا مـن الله ماتحكمـه قوانيـن
برقابنـا متقلديـنـن وسـامـه
لانك الشجاع اللي يدك المعاديـن
واليا رما ماهيب تخطي سهامـه
ولانك الكريم ومدتك تقضي الدين
واكبر مباديـك الوفـا والشهامـه
وتقبل معاذيرن وتطلق مساجيـن
يابن الإمام اللي رفيعـن مقامـه
بك ميزتن ماهي بكل السلاطيـن
تواضع وحكمـه وحلـم وفهامـه
اقمة شرع الله بعـدل الموازيـن
وعاش المواطن وهتنا في منامـه
غير متصل
