الفزعه يا السبعان, وسبعان الكويت خاصة

[عبدالله بو تركي]

السلام على الجميع ورحمة الله وبركاته

وكل عام وانتم بخير , وتقبل الله طاعتكم

ماني سبيعي ولكن النعم بسبيع والله ولي الفخر لو كنت منهم

وجيتكم اليوم طالب الفزعه منكم ومن سبعان الكويت خاصة العشم فيكم كبير ورجاي ما انرد بلا جواب مثل ما جيت

انا اخوكم عبدالله بو تركي جيتكم انشد عن شيخ مرحوم باذن الله اسمه راكان السبيعي ابو فهد من الكويت

اخبر ان له غير فهد خمسة محمد وجراح وبراك ومصعب وتركي الله يطرح فيهم البركه, وان اخوه صقر فاز بانتخاباتهم الاخيره لمجلس الامه , عل هالمعلومات تقرب لكم

دورت بمنتدى الاخبار عندكم علي الاقي خبر وفاته مالقيت

هو توفى قبل رمضان في 16/8 ويقال انه نزل له نعي بجرايدهم بالكويت لكني بحثت بهالتاريخ علي الاقي مكان العزاء او ارقام حدا عياله مالقيت

وبحكم اني ما اقدر اسافر قلت اسأل يمكن اخواني بمنتدى سبيع بالكويت او بني عمهم هنا احد منهم يعرف المرحوم او حدا عياله او يقدر يوصلني لاحد منهم



الله يجزاه الجنه من يساعدني الموضوع عاجل وضروري

[رنيه الأصل]

طيب يابو تركي خير انشالله و شتبي من الرجال مادام انه الله يرحمه على قولتك ,,,,, اذا كنت تريد من الدنيا شي قل وحنا نوفيك واذا كانت محبه فالرجال الله يرحمه............................

[عبدالله بو تركي]

حياك اخوي رنيه

لااااااااايبه لا تفهم غلط ما اطالب الرجال بشيء رحمة الله عليه
والمحبه موجوده له ولعياله ولسبيع كلهم
ما اطالب احد ولا احد يطلب مني شيء بس بغيت اوصلهم

[رنيه الأصل]

المشاركة الأصلية كتبت بواسطة عبدالله بو تركي

حياك اخوي رنيه

لااااااااايبه لا تفهم غلط ما اطالب الرجال بشيء رحمة الله عليه
والمحبه موجوده له ولعياله ولسبيع كلهم
ما اطالب احد ولا احد يطلب مني شيء بس بغيت اوصلهم

والله يابو تركي انا يوم شفت الفزعه قلت فيه مصيبه هذا على حسب تفسيرنا يالبدو ,,,, على كل حال الله يحييك يابو تركي ,,, وانا من ناحيتي ما اعرف شي عن الرجال اللي ذكرته وسامحني على كل ما كتبته ان كنت اخطيت .................

[عبدالله بو تركي]

الله لا يجيب المصايب يا اخوك
انا الي اعتذر ان كنت خرعتك , عدلت العنوان يا اخوك بس شكله ما يتعدل بصفحة المواضيع !
ومشكور عالرد

[رنيه الأصل]

يابو تركي عزالله اني فرحت وتشرفت بماحادثتك ,,, وصدقني ان الشخص اللي تبحث عنه فخور بمعرفتك ,,,وفي الآخر تامرني بأي شي بالنيابه عن الشخص اللي طلبته ابشر به وانا اخوك.

[عبدالله بو تركي]

ماتقصر.. بيض الله وجهك .. ولا يامر عليك ظالم

مثل ما قلت لك انا ما ابي من احد شيء ياخوك لاجل يعوضه عنه غيره

انا لو اصل لواحد من عياله واتطمن عليهم احصل الي بغيت واكثر

[عوض السبيعي]

الله يديم المحبة
وقد اعجبني اسلوبكم في الحوار
الله يكثر من امثالكم ويجعلكم ذخر لهذا الدين
وهذا المجتمع

[نجم سبيع الغلبا]

ابو تركي يالغالي

انا سبيعي من السعوديه طال عمرك وعيال خالتي من الكويت بسالهم واعرف سبعان من الكويت

وابشر بسعدك بسالهم لك لاتشيل هم وانا اخوك

[عبدالله بو تركي]

عوض الخلف , الله يديم عزك يا اخوك وجزاك الله خير

***
نجم سبيع
والنعم والله فيك وفي عيال خالتك ومن تعرفهم
بيض الله وجهك وانا اخوك .. ما قصرت ..الله يبشرك بالجنه ويجيني العلم من جهتك
اعرف ان سكنهم بالفروانيه ,كان هالمعلومه بتساعدك تسأل يا اخوك
وانا بانتظار ردك علي ; عسى معاه خبر