منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ومن لاحسب قبل النسب معدن الخال***لاينشـد المولـود مـن ويـن عيبـه
كُتب : [ 15 - 12 - 2005 ]
يالعبد لو ميزت فـي كـل الاحـوال=عرفـت ويـن المخطيـه والمصيبـه
وعطيـت واف الحـق قـدام ينقـال=مخطي وتصبـح بيـن شـكٍ وريبـه
الحق مايزعـل منـه غيـر الانـذال=اهل الردى واهل والوجيه الغضيبـه
دام السريره صافيـه فأنـت رجـال=واليـا دخلهـا غـش والله مصيـبـه
الحر لو ماحـط لـه بشـت وعقـال=يكفيـه بيـن النـاس فعلـه وطيبـه
وراع الردى لو بأجمل اللبس يختـال=تلقى الـردى مابيـن كمـه وجيبـه
ومن لاكسب كلمة نعم بيـن الاجيـال=يكسب بدلهـا ياهـل العـرف خيبـه
ومن لا شرب لمواجه الوقت فنجـال=يقضي العمر بيـن الطمـان وشعيبـه
ومن لاتحدى في الزمن بحر الاهوال=اللـول والمرجـان ماهـو نصيـبـه
ومن لاحسب قبل النسب معدن الخال=لاينشـد المولـود مـن ويـن عيبـه
ومن لادفع في ماقف الربـع مثقـال=لا ينتظـر تعطيـه ربـعـه زبيـبـه
ومن لا طلب للمشكلـه نـاس عقـال=يجيـه مـن عميـان الاريـا كتيبـه
ومن لاحفظ سمعه عن القيل والقـال=تلقـى ورم مخـه نميمـه وغيـبـه
ومن داس عرض الناس لو كان بالمال=من عرضه المصيون دفع الضريبـه
ومن لاحسبها صح في عمر الاقبـال=ماهـو بحاسبهـا ليـا بـان شيـبـه
سمعـت ماقالـوه قبلـي بالامـثـال=من لاكسـب كلمـة نعـم وش تبيبـه
جنب عـن الرديـان وكبـار الازوال=وتلقى من اهل الخير من تعتزي بـه
هذي نصيحه كان مـا اعطيتهـا بـال=أتضيـع بيـن المخطيـه والمصيبـه
غير متصل
رد : ومن لاحسب قبل النسب معدن الخال***لاينشـد المولـود مـن ويـن عيبـه
